ايماقتار • 15 قىركۇيەك، 2020

قوستاناي وبلىسىندا مەملەكەتتىك قىزمەت كورسەتۋ جۇيەسىنىڭ 89%-ى اۆتوماتتاندىرىلعان

23 رەت كورسەتىلدى

بۇگىندە وبلىس تۇرعىندارىنا مەملەكەتتىك قىزمەتتىڭ  363 ءتۇرى كورسەتىلەدى. بۇل تۋرالى ونلاين رەجىمدە وتكەن ءباسپاسوز جيىنىندا مەملەكەتتىك قىزمەت ىستەرى اگەنتتىگىنە قاراستى وبلىستىق دەپارتامەنت باسشىسى اسحات ەسكەندىروۆ ايتتى، دەپ حابارلايدى Egemen.kz.

"وبلىستا ەلەكتروندى تۇردە كورسەتىلەتىن 311 مەملەكەتتىك قىزمەتتىڭ 277 ءتۇرى نەمەسە 89% اۆتوماتتاندىرىلعان"، - دەدى اسحات ەسكەندىروۆ.

سونداي-اق وڭىردە ءالى كۇنگە دەيىن اۆتوماتتاندىرىلماعان مەملەكەتتىك قىزمەت تۇرلەرى بار. مىسالى، "جەر تەلىمىن الۋ ءۇشىن كەزەككە قويۋ" مەملەكەتتىك قىزمەتىن تۇرعىندار پورتال ارقىلى الۋى ءتيىس. بىراق ءىس جۇزىندە بۇلاي بولماي وتىر. دەپارتامەنت باسشىسى جەر تەلىمدەرىنە كەزەككە قويۋ جانە ونى پايدالانۋعا بەرۋگە قاتىستى كوپتەگەن تۇيتكىلدى ماسەلەلەر تۋىنداپ، تۇرعىنداردان تۇسكەن شاعىمنىڭ جيىلەپ كەتكەنىن ايتتى.

مۇنداي جاعداي قوسىمشا ءبىلىم بەرەتىن مەكەمەلەرگە قابىلداۋ بارىسىندا دا كەزدەسەدى. پورتال ارقىلى الۋ مۇمكىندىگىنە قاراماستان،  بۇل قىزمەت ءتۇرى كۇنى بۇگىنگە دەيىن اۆتوماتتاندىرىلماعان.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار