ايماقتار • 15 قىركۇيەك، 2020

ۆانداليزم اكتىسى جاسالعانى انىقتالدى

51 رەت كورسەتىلدى

سولتۇستىك قازاقستان وبلىسى ايىرتاۋ اۋدانىنداعى ءبىر مولادا مارقۇم بولعان جانداردىڭ باسىنا قويىلعان ەسكەرتكىش بەلگىلەر مەن قورشاۋلار بۇزىلعانى تۋرالى پوليتسياعا دابىل تۇسكەن. جەدەل جەتكەن اۋدان پوليتسەيلەرى 12 قۇلپىتاس پەن قورشاۋدىڭ بۇزىلعانىن تىركەيدى. ءبىر ەسكەرتكىشكە اكريل بوياۋى قۇيىلعان. بۇدان باسقا مولادا ورنالاسقان شاعىن شىركەۋدىڭ تەرەزە شىنىلارى شاعىلعان، دەپ حابارلايدى Egemen.kz.

پوليتسەيلەر بىرنەشە كۇن بۇرىن مولا ماڭىندا كوزگە تۇسكەن 10-12 جاسار ءۇش ءجاسوسپىرىمدى انىقتادى. كۇدىكتىلەر وزدەرىنىڭ اتالعان فاكتىگە قاتىستىلىعىن مويىندادى. بالالاردىڭ ساناسىنا ولگەن ادامدارعا دەگەن قۇرمەتتىڭ ەگىلمەگەندىگى، زيرات، مولا ماڭىنا بارعاندا جۇرەكتە ومىردەن ەرتە كەتكەندەرگە، تۋىستارىنا دەگەن ايانىش، وكىنىش سەزىمى بولۋى كەرەكتىگى ايتىلماعاندىعى وسىدان كورىنىپ تۇر. ەرىككەن بالالار باسقا ەرمەك تاپپاي وزدەرىنە قارسىلىق كورسەتە المايتىن مولانى تالقانداعانى سول. بۇل ماسەلەنى پوليتسيا عانا ەمەس جەرگىلىكتى وقۋ ءبولىمى دە تالقىلاپ، وقۋشىلاردىڭ ساناسىنا مولا ماڭىنىڭ تىنىشتىعىن بۇزباۋ تۋرالى تاربيەلىك ساعاتتار وتكىزگەنى دۇرىس-اق.

"سوتقا دەيىنگى تەرگەپ-تەكسەرۋ شەڭبەرىندە قوسىمشا تەرگەۋ ارەكەتتەرى جۇرگىزىلۋدە، اتالعان امالدار اياقتالعان سوڭ تۇپكىلىكتى پروتسەسسۋالدىق شەشىم قابىلداناتىن بولادى. قايتىس بولعان ادامدار جەرلەنگەن جەرلەردi قورلاۋ فاكتىسى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى"، - دەدى ايىرتاۋ اۋدانى پب باستىعى ابىلعازى عابدۋللين.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار