بەس كۇن ىشىندە حابار-وشارسىز كەتكەن جاسوسپىمدەر بويىنشا اتىراۋ قالالىق پوليتسيا باسقارماسىنىڭ "102" وپەراتورىنا 13 حابارلاما تۇسكەن. تالداۋ كورسەتكەندەي, ولاردىڭ اراسىندا 3-8 جاس ارالىعىندا سەگىز بالا (اتا-انا قاراۋىنسىز قالعاندار), 8-14 جاسقا دەيىنگى جوعالعان بەس ءجاسوسپىرىم (اتا-اناسىنىڭ باقىلاۋىنسىز قالعاندار). بارلىق جاعدايدا پوليتسەيلەر بالالاردى 2-3 ساعات ارالىعىندا تاۋىپ العان.
اتالعان وقيعالاردىڭ كوپشىلىگى, بالالاردىڭ ءۇي اۋلالارىنان شىعىپ كەتۋىنەن بولعان. اتا-انالارىنىڭ حابارلاماسى بويىنشا پوليتسيا قىزمەتكەرلەرىنىڭ جەدەل ىزدەستىرۋلەرىمەن جوعالىپ كەتكەن بالالار امان-ەسەن تابىلدى. سولاردىڭ ىشىندە ۆوكزال ماڭى 5 ىقشام اۋدانىندا بەس جاسار بالا اتا-اناسىنىڭ قاراماۋىنىڭ سالدارىنان تۇسكى ۋاقىتتا ۇيىنەن شىعىپ كەتكەن. كەش بولعاندا پوليتسيا قىمەتكەرلەرىنە حابارلاما تۇسكەن, ءتارتىپ ساقشىلارىنىڭ ىزدەۋىمەن بالا تابىلىپ, اتا-اناسىنا تابىستالدى.
13 قىركۇيەك كۇنى ساعات جەتىلەر شاماسىندا اتىراۋ قالاسى, ش.ءۋاليحانوۆ كوشەسى, 21 ءۇيدىڭ الدىنان التى جانە ءتورت جاستاعى ەكى ءجاسوسپىرىم ۇيلەرىنىڭ الدىندا ويناپ ءجۇرىپ, ەرەسەكتەر تاراپىنان قاراۋسىز قالۋ سالدارىنان ۇيلەرىنەن اداسىپ قالعان. پوليتسيا قىزمەتكەرلەرىمەن تابىلىپ, اتا-اناسىنا تاپسىرىلدى. پوليتسيا قىزمەتكەرلەرى, وسىنداي وقيعالاردىڭ الدىن الۋ ماقساتىندا, اتا-انالارعا بالالاردى قاراۋسىز قالدىرماۋدى ەسكەرتەدى.
