ۆارشاۆادا قازاق-پولياك ىنتىماقتاستىعى مەن دامۋ كەڭەسىنىڭ اياسىندا ەكسپو-2017 جوباسىنىڭ تۇساۋكەسەرى ءوتتى
پولشاعا جاساعان ساپارىنىڭ اياسىندا سىرتقى ىستەر ءمينيسترىنىڭ ءبىرىنشى ورىنباسارى, ەكسپو كوميسسارى ءراپىل جوشىباەۆ قازاق-پولياك ىنتىماقتاستىعى مەن دامۋ كەڭەسىنىڭ ءىىى وتىرىسىنا قاتىستى جانە ونىڭ شەڭبەرىندە استاناداعى جاھاندىق كورمە جوباسى بويىنشا ارنايى تۇساۋكەسەر وتكىزىپ, پولياك كومپانيالارىن وعان بەلسەندى اتسالىسۋعا شاقىردى.
ۆارشاۆادا قازاق-پولياك ىنتىماقتاستىعى مەن دامۋ كەڭەسىنىڭ اياسىندا ەكسپو-2017 جوباسىنىڭ تۇساۋكەسەرى ءوتتى
پولشاعا جاساعان ساپارىنىڭ اياسىندا سىرتقى ىستەر ءمينيسترىنىڭ ءبىرىنشى ورىنباسارى, ەكسپو كوميسسارى ءراپىل جوشىباەۆ قازاق-پولياك ىنتىماقتاستىعى مەن دامۋ كەڭەسىنىڭ ءىىى وتىرىسىنا قاتىستى جانە ونىڭ شەڭبەرىندە استاناداعى جاھاندىق كورمە جوباسى بويىنشا ارنايى تۇساۋكەسەر وتكىزىپ, پولياك كومپانيالارىن وعان بەلسەندى اتسالىسۋعا شاقىردى.
قازاقستاننىڭ ۆارشاۆاداعى ەلشىلىگىنىڭ باستاماسىمەن قۇرىلعان كەڭەس ەكى جاقتان ىنتىماقتاستىقتى دامىتۋعا مۇددەلى بيزنەسمەندەر مەن ساياساتكەرلەردى بىرىكتىرەدى. «وسىنداي ءىس-شارالاردى وتكىزۋ ەكى ەل اراسىندا ءوزارا ءتيىمدى ىسكەرلىك بايلانىستاردىڭ كەڭەيۋىنە قولايلى جاعداي تۋعىزىپ, ىسكەرلىك ىنتىماقتاستىعىمىزدىڭ كەلەشەككە باعىتتالعان «جول كارتاسىن» ازىرلەۋگە جول اشاتىنىنا سەنىمدىمىن», دەدى كەڭەس وتىرىسىنىڭ اشىلۋىندا ر.جوشىباەۆ.
ءىس-شاراعا قاتىسۋشىلار ەكى جاقتىڭ مەملەكەتتىك ورگاندارى مەن ىسكەرلىك قاۋىمداستىقتارىنىڭ قاتىسۋىمەن سەرىكتەستىك بايلانىستاردى نىعايتۋ جولدارى بويىنشا پىكىر الماستى. وسى ورايدا, ەرەكشە نازار وڭىرارالىق ىنتىماقتاستىقتى دامىتۋ جوبالارىنا اۋدارىلىپ, ال 2014 جىلى قازاقستان-پولشا وڭىرلەر فورۋمىن ۇيىمداستىرۋ وعان ەرەكشە دەمەۋ بولا الادى دەگەن پىكىرلەر ايتىلدى.
پولياك ينۆەستيتسيالارىن تارتۋعا جاعداي جاساۋ ماقساتىندا كەڭەس جۇمىسىنا قاتىسقان باتىس قازاقستان, قوستاناي جانە قاراعاندى وبلىستارى اكىمدەرىنىڭ ورىنباسارلارى پولشالىق ارىپتەستەرىن جانە بيزنەس وكىلدەرىن ءوز وڭىرلەرىنىڭ ەكونوميكالىق الەۋەتىمەن تانىستىردى. «ىسكەرلىك قاۋىمداستىقتارىمىزدىڭ بىرلەسكەن جۇمىسى قازاقستان مەن پولشا اراسىنداعى ءوزارا ءتيىمدى ينۆەستيتسيالىق-تەحنولوگيالىق ىنتىماقتاستىقتىڭ كەڭەيۋى مەن ارىپتەستىك تۇعىرناماسىنىڭ قالىپتاسۋىنا نەگىز قالايدى», دەدى وسى ورايدا قازاقستاننىڭ پولشاداعى توتەنشە جانە وكىلەتتى ەلشىسى ەرىك وتەمباەۆ.
كەڭەس شەڭبەرىندە قازاقستاندىق رىنوكتا فارماتسەۆتيكا, «جاسىل» تەحنولوگيالار, ماشينا جاساۋ, قۇرىلىس ماتەريالدارىن ءوندىرۋ سالالارىندا جۇمىس ىستەيتىن پولياك فيرمالارى جوبالارىنىڭ تۇساۋكەسەرلەرى ۇيىمداستىرىلدى. سونىمەن بىرگە, كەڭەس ماجىلىسىندە جينالعانداردىڭ نازارىنا استاناداعى ەكسپو-2017 كورمەسىنە دايىندىق باعدارلاماسى ۇسىنىلدى. تۇساۋكەسەر قورىتىندىسىندا پولياك كومپانيالارى الداعى ءىس-شاراعا ۇلكەن قىزىعۋشىلىق تانىتتى.
ەكسپو تاقىرىبى, سونداي-اق, ر.جوشىباەۆتىڭ پولشا رەسپۋبليكاسىنىڭ سپورت جانە تۋريزم ءمينيسترى يواننا مۋچامەن بولعان كەزدەسۋ بارىسىندا دا تالقىلاندى.
سونىمەن قاتار, پولشا استاناسىندا ر.جوشىباەۆ ۆارشاۆا قالاسىنىڭ داعدارىستىق باسقارۋ ورتالىعىنىڭ جۇمىسىمەن تانىسىپ, اتالعان سيپاتتاعى قۇرىلىمداردىڭ ەكسپو سياقتى ۇلكەن ءىس-شارالار كەزىندە قاۋىپسىزدىكتى قامتاماسىز ەتۋ ءۇشىن ەرەكشە وزەكتى ەكەندىگىن اتاپ ءوتتى.
ساۋلەبەك ءبىرجان.
