ايماقتار • 14 قىركۇيەك، 2020

قۇستاردىڭ نەدەن قىرىلعانى انىقتالۋدا

51 رەت كورسەتىلدى

سولتۇستىك قازاقستان وبلىسىندا ءۇي قۇستارىنىڭ قىرىلۋى بولدى. شامامەن 700-دەي باس قۇس ءوڭىردىڭ باتىس وڭىرىندەگى شال اقىن اۋدانىنىڭ سۋحارابوۆكا،  ع.مۇسىرەپوۆ اۋدانىنىڭ چەرنوباەۆكا جانە تيميريازەۆ اۋدانىنىڭ ورتالىعىندا ورىن العان، دەپ حابارلايدى Egemen.kz.

وسى ماسەلە بويىنشا جۋرناليستەرگە تۇسىنىك بەرگەن وبلىستىق ۆەتەريناريا باسقارماسىنىڭ باسشىسى بەرىك ءالجانوۆ قۇستاردىڭ قىرىلۋىنىڭ ناقتى سەبەبىن ايتا المايتىنىن، ءبارى تەك 3-4 كۇننەن كەيىن بەلگىلى بولاتىن زەرتحانالىق ساراپتان كەيىن عانا انىقتالاتىنىن جەتكىزدى.

"وسى تەكتەسقىرىلۋ ەكى جىل بۇرىن ايىرتاۋ اۋدانىندا دا بولعان. قۇستاردىڭ مويىندارى سالبىراپ، كوگەرىپ، قىلجيا كەتۋلەرى پاستەرەللەز، سالمونەللەز نەمەسە قۇس تۇماۋى سياقتى اۋرۋلاردىڭ بەلگىسىن كورسەتەتەدى. بىزگە نۇر سۇلتان قالاسىنداعى ۆەتەريناريا ورتالىعىنان مامان كەلگەلى جاتىر. وعان دەيىن العاشقى ساراپتار دا دايىن بولاتىن شىعار. سول كەزدە قۇستىڭ قىرىلۋ سەبەپتەرى نەدەن بولعانىن ايتاتىن بولامىز"، دەدى ول.

قازىر ولگەن قۇستار ورتتەلىپ، جويىلعان كورىنەدى. ال اۋرۋ شىققان ەلدىمەكەندەرگە كارانتين جاريالاۋ تۋرالى ايتۋعا ءالى ەرتە. جوعارىدا اتالعان اۋىلدار ءارتۇرلى اۋداندارعا باعىنىستى بولعانىمەن ءبىر وڭىردە، جاقىن جاتىر.

سوندىقتان بۇل جەردەگى قۇستار قانداي دا ءبىر ينفەكتسيالىق اۋرۋعا تاپ بولعانى ءسوزسىز. مامان دا وسىنى ايتتى. اۋرۋ قۇستار ۋاقتىلى جويىلسا ينفەكتسيانىڭ جايىلىپ كەتپەسى انىق، سوندىقتان ودان داڭعازا جاساۋدىڭ كەرەگى جوق سياقتى.


سولتۇستىك قازاقستان وبلىسى

 

سوڭعى جاڭالىقتار

ۇقساس جاڭالىقتار