وسى دەرەككە وراي وبلىستىق پوليتسيا دەپارتامەنتى ارنايى جەدەل-تەرگەۋ توبىن قۇردى.
جوعالعان شارۋاگەردى ىزدەۋ ءۇشىن پوليتسيا جانە توتەنشە جاعدايلار دەپارتامەنتتەرىنىڭ قىزمەتكەرلەرى, سونداي-اق, ەرىكتىلەر بىرنەشە كۇن بويى دالالىق اۋماقتى ارالادى. الايدا, شارۋاگەردىڭ موتوتسيكلى مەن قامشىسى يەسىز قىستاقتان تابىلعانمەن, ونىڭ ءولى-ءتىرىسى بۇگىنگە دەيىن انىقتالماپ ەدى.
"بۇگىن, 14 قىركۇيەكتە پوليتسيا قىزمەتكەرلەرى ىزدەستىرۋ ءىس-شارالارىنىڭ ناتيجەسىندە جوعالعان ازاماتتىڭ ءولى دەنەسىن جىلىوي اۋدانىنىڭ ورتالىعى – قۇلسارى قالاسىنان 100 شاقىرىم جەردەگى قىرىقمىلتىق كەن الاڭى ماڭىندا 15-20 مەتر تەرەڭدىكتەگى شۇڭقىردان تاپتى. وسى دەرەككە قاتىستى ساراپتاما تاعايىندالدى. اتالعان قىلمىسقا كۇدىكتى جىلىوي اۋدانىنىڭ 38 جاستاعى تۇرعىنى ۇستالدى. كۇدىكتى بۇرىن سوتتالعان. قازىر قر قىلمىستىق كودەكسنىڭ 99-بابىمەن (ادام ءولتىرۋ) سوتقا دەيىنگى تەرگەۋ جۇرگىزىلۋدە. تەرگەۋ كەزىندە قىلمىستىڭ ورىن الۋ سەبەبى انىقتالاتىن بولادى", دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
