قوعام • 11 قىركۇيەك، 2020

ەڭ كوپ سۇرالاتىن "وتباسىلىق" مەملەكەتتىك قىزمەتتەر قانداي؟

17 رەت كورسەتىلدى

قازاقستاندا جىل سايىن قىركۇيەكتىڭ ەكىنشى جەكسەنبىسىندە وتباسى كۇنى اتاپ وتىلەدى. بيىل مەرەكە 13 قىركۇيەككە ءدوپ كەلىپ وتىر. وسىعان وراي "ازاماتتارعا ارنالعان ۇكىمەت" مەملەكەتتىك كورپوراتسياسى "وتباسىلىق" ەڭ تانىمال توپ-3 قىزمەت بويىنشا اقپاراتتى ۇسىنادى، دەپ حابارلايدى Egemen.kz

ولار – بالانىڭ تۋىلۋىن تىركەۋ، جۇكتىلىك پەن بوسانۋعا بايلانىستى تابىسىنان ايىرىلعانى ءۇشىن الەۋمەتتىك تولەم تاعايىنداۋ، بالانىڭ تۋىلۋىنا جانە ونىڭ ءبىر جاسقا دەيىنگى كۇتىمىنە جاردەماقى تاعايىنداۋ قىزمەتتەرى.

بيىلعى جىلدىڭ 8 ايىندا قازاقستاننىڭ حالىققا قىزمەت كورسەتۋ ورتالىقتارى ارقىلى ءسابيدىڭ 145 مىڭنان استام تۋ تۋرالى كۋالىگى بەرىلگەن، 267 مىڭنان استام جاس انا بالا تۋعانى ءۇشىن بىررەتىك جانە ونىڭ ءبىر جاسقا تولعانعا دەيىنگى كۇتىمىنە ءتيىستى جاردەماقىلاردى العان، ال 134 مىڭنان استام ايەلگە جۇكتىلىگى مەن بوسانۋىنا بايلانىستى تابىسىنان ايىرىلعانى ءۇشىن الەۋمەتتىك تولەم تاعايىندالعان.

اتالعان قىزمەتتەردى حالىققا قىزمەت كورسەتۋ ورتالىقتارىندا عانا ەمەس، egov.kz ەلەكتروندى ۇكىمەت پورتالى ارقىلى ەتسق كومەگىمەن دە تاپسىرىس بەرۋگە بولادى نەمەسە ءموبيلدى ازاماتتار بازاسىندا تىركەلگەندەر پرواكتيۆتى فورماتتا سمس-حابارلاما ارقىلى الا الادى.

ايتا كەتەيىك، بالانىڭ تۋىلۋىنا بايلانىستى پرواكتيۆتى قىزمەت قازاقستاندا 2017 جىلدىڭ سوڭىندا ىسكە قوسىلدى. بالا دۇنيەگە كەلگەننەن كەيىن اتا-اناعا بىردەن قۇتتىقتاۋ SMS-حابارلاماسى، سونداي-اق ءسابيدىڭ تۋىن تىركەۋ بويىنشا مەملەكەتتىك قىزمەتتى الۋ تۋرالى ۇسىنىس كەلەدى. ەلەكتروندىق ۇكىمەتتىڭ پورتالى بارلىق اقپاراتتى مەملەكەتتىك ورگانداردىڭ اقپاراتتىق جۇيەلەرىنەن الادى، ال جەتىسپەيتىن اقپارات قىزمەت الۋشىدان SMS حابارلاما ارقىلى سۇراتىلادى. سوڭعى ءۇش جىلدا 85 مىڭنان استام قازاقستاندىق وتباسى بالانىڭ تۋىلۋىنا قاتىستى قىزمەتتەردى پرواكتيۆتى تۇردە العان.

تاعى ءبىر اقپارات قوسىپ وتسەك، جىل باسىنان بەرى 53 مىڭنان استام جۇپ نەكەلەرىن eGov.kz ەلەكتروندى ۇكىمەت پورتالى ارقىلى تىركەگەن.

سوڭعى جاڭالىقتار

قازاقستاندا دوللار قىمباتتادى

ەكونوميكا • بۇگىن، 11:37

ۇقساس جاڭالىقتار