رۋحانيات • 11 قىركۇيەك، 2020

ەۆوليۋتسيالىق دامۋ ماڭىزدى

55 رەت كورسەتىلدى

الماتىدا دوستىق ۇيىنە جينالعان رەسپۋبليكالىق ەتنومادەني بىرلەستىكتەردىڭ وكىلدەرى قازاقستان حالقى اسسامبلەياسى توراعاسىنىڭ ورىنباسارى جانسەيىت تۇيمەباەۆتىڭ قاتىسۋىمەن مەملەكەت باسشىسىنىڭ «جاڭا جاعدايداعى قازاقستان: ءىس-قيمىل كەزەڭى» جولداۋىن ىسكە اسىرۋ ماسەلەلەرىن تالقىلادى.

جولداۋداعى نەگىزگى باسىم­دىقتاردى تالداي وتىرىپ ج.تۇيمەباەۆ ەلدەگى جاعدايدىڭ ناق­تى جانە ەگجەي-تەگجەيلى تال­دانۋى مەن ەكونوميكالىق-الەۋ­مەتتىك سالالارداعى، مەم­لە­كەتتىك باسقارۋ، قارجى سالاسىنداعى دامۋدى تەجەيتىن سەبەپتەرگە، رەفورمالار بارىسىنا توقتالىپ، «الەۋمەتتىك-ەكونوميكالىق دا­مۋىمىزدى ساپالى دەڭگەيگە جەتكىزۋ الەۋمەتتىك ادىلەتتىلىك، تيىمدىلىك پەن باسەكەگە قابى­لەت­تىلىككە نەگىزدەلگەن»، دەپ اتاپ ءوتتى.

بۇگىندە قوعامدىق ءومىردىڭ بارلىق سالاسى تەرەڭ رەفور­مالاۋدى قاجەت ەتەدى. زاڭ­نىڭ ۇستەمدىگى، ادام مەن ازا­مات­تىڭ قۇقىقتارىن ساقتاۋ مەملەكەتتىك باسقارۋدىڭ جاڭا مودەلى ارقىلى جۇزەگە اسىرىلادى. «حالىق ۇنىنە قۇلاق اساتىن مەملەكەت» مودەلى باسقارۋ ىسىنە ازاماتتاردىڭ ارالاسۋىمەن جۇزەگە اساتىن بولادى. جولداۋدا ستراتەگيالىق با­سىم­دىقتارمەن ساباقتاسا كەلە «ۇلتتىڭ جاڭا ساپاسىنا» با­رىنشا كوڭىل ءبولىنىپ وتىر. «رۋحاني جاڭعىرۋ» باعدار­لا­ماسىنىڭ جالعاسىنا اينالا وتىرىپ، قوعامدىق سانا­نى جاڭعىرتۋدىڭ جاڭا باسىم­دىق­تارى «جاۋاپتى مەملەكەت – جاۋاپتى قوعام – جاۋاپتى ادامنىڭ ومىرىندە كورىنىس بەرەتىن بولادى. ءدال وسى رەفورمالاردىڭ سينەرگياسى رەۆوليۋتسيالىق تيىمدىلىككە قول جەتكىزبەك. جول­داۋداعى ماقساتتارعا جەتۋ – قوعامدىق كەلىسىم مەن جالپى­ۇلتتىق بىرلىك، سونىمەن قاتار تۇراقتى قازاقستاندى قۇرۋدىڭ نەگىزى. ارقايسىمىز الداعى رە­فورمالاردىڭ قۇرىلىمدىق كۇردەلىلىگى مەن تەرەڭدىگى ءۇشىن قازاقستاننىڭ رەۆوليۋتسيالىق ەمەس، ءبىرماندى ەۆوليۋتسيالىق دا­مۋى قاجەت ەكەنىن ءتۇسىنۋىمىز كەرەك»، دەپ اتاپ ءوتتى قازاق­ستان حالقى اسسامبلەياسى  تور­اعاسىنىڭ ورىنباسارى.

ودان ءارى قاراي ج.تۇيمەباەۆ مەملەكەت باسشىسىنىڭ تاپسىرماسىمەن ەتنوسارالىق قا­تى­ناستار سالاسىنداعى مەملە­كەتتىك ساياسات تيىمدىلىگىن ارتتىرۋ بويىنشا بىرقاتار شارالار قابىلدانعانىن اتاپ ءوتىپ، رەس­پۋبليكالىق ەتنومادەني بىر­لەس­تىكتەردىڭ باسشىلارىنان ءوز بىرلەستىكتەرىنىڭ بەلسەن­دىلەرىمەن كەزدەسۋلەر وتكىزۋدى، جولداۋدى تۇسىندىرۋگە جانە ىسكە اسىرۋعا قاتىسۋ ماسەلەلەرىن تالقىلاۋدى تاپسىردى. وسى ورايدا ەتنوستىق بۇقارالىق اقپارات قۇرالدارىنىڭ رەسۋرس­تارى وسى قىزمەتكە بارىنشا بەلسەندى اتسالىسۋى ءتيىس. ەتنو­مادەني بىرلەستىكتەر حالىقتى شاعىنبيزنەس نەگىزدەرىنە وقىتۋ سالاسىندا جوبالار ازىرلەپ، جۇزەگە اسىرۋى دا ۋاقىت كۇتتىر­مەيدى. قازىردىڭ وزىندە ەتنو­مادەني بىرلەستىكتەردە بىرقاتار با­عىتتى ۇيىمداستىرۋ قاجەت. اۋىلدا ءومىر ءسۇرۋ ساپا­سىن جانە جۇمىسپەن قامتۋ­دى جاقسارتۋ اياسىندا ء«ار اۋىل­دىڭ ءوز شەبەرلەرى» وقىتۋ جو­باسى جوس­پارلانىپ وتىرسا، «وتباسىلىق بيزنەس –  ءال-اۋ­قات نەگىزى» جوبالارى دا جە­تىل­دىرىلەتىن بولادى. سونىمەن قاتار كوپۇلتتى وتباسىلار بويىنشا جوبا جۇزەگە اسىرىلادى.

اتالعان جيىندا ما­ڭىز­دى قۇجات جۇكتەگەن مىندەت­تەردى جۇزەگە اسىرۋعا بايلانىس­تى اقپارات جانە قوعام­دىق دا­مۋ ۆيتسە-ءمينيسترى م.ءازىل­حا­نوۆ، پارلامەنت ءماجىلىسى تور­­اعا­­سىنىڭ ورىنباسا­رى ۆ.بوج­­كو، ءماجىلىس دە­پۋتات­­تارى ا.مۋ­رادوۆ، يۋ.تيمو­ششەنكو، ش.نۋ­رۋموۆ، سونداي-اق ەتنوبىر­لەس­تىك­تەردىڭ جەتەكشىلەرى ءسوز سويلەدى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار