ءبىلىم • 11 قىركۇيەك، 2020

الماتى كوللەدجدەرى قاشىقتان ءبىلىم الادى

27 رەت كورسەتىلدى

الماتى قالاسى ءبىلىم باسقارماسىندا جاڭا وقۋ جىلىندا تەحنيكالىق جانە كاسىپتىك ورتا ءبىلىم بەرۋ مەكەمەلەرىندە وقۋ پروتسەسىنىڭ ۇيىمداستىرىلۋى تۋرالى ايتىلدى. بارلىق كوللەدجدەر الدىن الا اقپارات الىپ، قاشىقتان ساپالى ءبىلىم بەرۋدى قامتاماسىز ەتۋ ءۇشىن بارلىق ماسەلەلەر تالدانعان، دەپ حابارلايدى Egemen.kz

قالادا تەحنيكالىق جانە ك»سىپتىك تەحنيكالىق ءبىلىم بەرەتىن 82 وقۋ ورنى جۇمىس ىستەيدى، ونىڭ ىشىندە 22-ءسى مەملەكەتتىك، 60-ى جەكەمەنشىك كوللەدجدەر. ءبىلىم الۋشىلار سانى 66 مىڭ.

"وقۋ جىلىنىڭ باسىندا پەداگوگتار سانى شامامەن 4025 ادامدى قۇرادى. بارلىق پەداگوگتار ينتەرنەتپەن جانە كومپيۋتەرلەرمەن قامتاماسىز ەتىلگەن. 3700-دەن استام پەداگوگ IT قۇزىرەتتىلىكتەردى ارتتىرۋ كۋرستارىنان ءوتتى. 18 قىركۇيەككە دەيىن بارلىق پەداگوگتەردى IT قۇزىرەتتىلىك كۋرستارىنان 100% وتكىزۋ جوسپارلانۋدا"، دەپ اتاپ ء وتتى ءبىلىم باسقارماسىنىڭ تجكب ءبولىمىنىڭ باسشىسى اسەت مۇحانبەتوۆ.

بارلىق كوللەدجدەر Paragraph.bilim، EduPage، SmartCommunity، Moodle، SmartNation، Platonus، GoogleClassroom، Kanvas ساندىق رلاتفورماعا قوسىلعان.

14 مىڭنان استام ساندىق رەسۋرستارمەن كاتالوگ قۇرىلدى. ونىڭ ىشىندە 2 317 بەينە ساباق، 405 ەلەكتروندىق وقۋلىق، 11 575 قوسىمشا ماتەريالدار بار. بۇل كاتالوگ ۇنەمى جاڭا ءبىلىم بەرۋ جانە ادىستەمەلىك رەسۋرستارمەن تولىقتىرىلىپ وتىرادى. وقۋ جىلى قاشىقتان وقىتۋدان باستالدى. كوللەدجدەردە پەداگوگيكالىق، ەكونوميكالىق، IT، الەۋمەتتىك-گۋمانيتارلىق ماماندىقتار بويىنشا وقىتۋ 100% قاشىقتان جۇرگىزىلەدى.

تەحنيكالىق، تەحنولوگيالىق، اگرارلىق باعىتتار بويىنشا، مەديتسينا جانە ونەر ماماندىقتارى بويىنشا تەوريالىق ساباقتار ونلاين وتكىزىلەدى. كاسىپتىك پراكتيكادان، وندىرىستىك وقىتۋدان ءوتۋ باسقا مەرزىمدەرگە اۋىستىرىلادى (اعىمداعى وقۋ جىلىنىڭ قاراشاسىنان باستاۋ جوسپارلانۋدا).

ءبىلىم الۋشىلار ءۇشىن ونلاين-ساباقتاردىڭ ۇزاقتىعى 35 مينۋتتان اسپايدى.

"كومپيۋتەرى جوق ستۋدەنتتەرگە بۇگىندە تجكب وقۋ ورىندارىنىڭ قورىنان 2127 كومپيۋتەر بەرىلدى. كوللەدجدەردىڭ ۇنەمدەلگەن قاراجاتى ەسەبىنەن 224 كومپيۋتەرلىك تەحنيكا ساتىپ الىندى. تاعى 250 نوۋتبۋك ساتىپ الۋ جوسپارلانۋدا"، دەدى ءا.مۇحانبەتوۆ.

تۋريزم جانە قوناقجايلىلىق يندۋسترياسى كوللەدجىنىڭ 3 كۋرس ستۋدەنتى ولجاس بازاربەكوۆ كوللەدجدە وقۋ قاشىقتان ءجۇرزىلىپ جاتقانىن اتاپ ءوتتى. وقۋ ءۇشىن بارلىق مۇمكىندىكتەر بار: ونلاين پلاتفورمالار قولجەتىمدى، ستۋدەنتتەر قاجەتتى تەحنيكامەن جانە وقۋ-ادىستەمەلىك ماتەريالدارمەن قامتاماسىز ەتىلگەن. كوللەدجدەر وقۋ پروتسەسىن ۇيىمداستىرۋ بويىنشا ادىستەمەلىك ۇسىنىمدارمەن جانە قاجەتتى نورماتيۆتىك قۇقىقتىق اكتىلەرمەن قامتاماسىز ەتىلگەن.

"قاشىقتان ءبىلىم بەرۋ پروتسەسىنىڭ ساپاسىن قامتاماسىز ەتۋ بويىنشا تجكب ۇيىمدارىنىڭ باسشىلارىمەن دكب جۇيەلى نەگىزدە جۇرگىزىلەدى. بۇل باعىتتاعى جۇمىس ءبىزدىڭ ۇنەمى باقىلاۋىمىزدا"، دەدى ءا.مۇحانبەتوۆ.

سوڭعى جاڭالىقتار

ۇقساس جاڭالىقتار