"فۋتبولدان قازاقستان قۇراماسىنىڭ جارتىلاي قورعاۋشىسى يسلامبەك قۋات بۇگىن رەسەيلىك كلۋب ساپىندا مەديتسينالىق تەكسەرىستەن ءوتتى. ول "حيمكي" كومانداسىمەن ماۋسىم سوڭىنا دەيىن كەلىسىمشارت جاسادى. جارتىلاي قورعاۋشى 20 نومىرمەن ونەر كورسەتەتىن بولادى.
"حيمكي" رەسەي بىرىنشىلىگىنىڭ التىنشى تۋرىنان كەيىن ءۇش ۇپاي جيناپ, تۋرنير كەستەسىندە 15-ورىندا كەلەدى. الداعى سەنبى كۇنى بۇل كوماندا سىرت الاڭدا "ۋرالعا" قارسى كەزدەسۋ وتكىزەدى.
ايتا كەتەيىك, "حيمكي" ساپىندا قۋاتتىڭ "قايراتتا" بىرگەن ويناعان كوماندالاسى دميتري حوميچ تە ونەر كورسەتەدى", - دەپ جازدى Instagram پاراقشاسىندا سپورت ءتىلشىسى ايدىن قوجاحمەت.
ەسكە سالايىق, جىل باسىندا يسلامبەك قۋات "قايراتتان" رەسەيلىك "ورەنبۋرگ" كومانداسىنا اۋىسقان ەدى. بۇل كوماندانىڭ ساپىندا ول بىرنەشە كەزدەسۋ وتكىزدى. بىراق ونىڭ كومانداسى رەسەي پرەمەر-ليگاسىنان شىعىپ قالدى. سودان كەيىن فۋتبولشى مەن كوماندا ەكى جاقتى كەلىسىم بويىنشا شارتنامانى بۇزدى.
سوڭعى ەكى ايدا قۋات كلۋبسىز ءجۇردى. وعان رەسەيدىڭ جانە تۇركيانىڭ بىرنەشە كومانداسى قىزىعۋشىلىق تا ءبىلدىردى. قۋات وسى ارالىقتا قازاقستان قۇراماسى ساپىندا ويناپ ۇلگەردى. ول ليتۆاعا قارسى كەزدەسۋدە ەكىنشى تايمدا الاڭعا شىعىپ, ءبىر گول سوقتى. بەلارۋس قۇراماسىمەن وتكەن ويىندا دا ول ەكىنشى تايمدا الاعا شىقتى.
