ماسەلەن, قاشاندا قايىرىم جاساۋدان قالىس قالمايتىن "ساليقالى ۇرپاق" قوعامدىق قورى بۇل جولى جەتىسۋ بالالارىنا 500 نوۋتبۋك سىيلادى. "ساليقالى ۇرپاق" قورى بۇعان دەيىن الماتى قالاسىنىڭ وقۋشىلارىنا 500 نوۋتبۋك تارتۋ ەتكەن ەدى.
"بۇل نوۋتبۋكتەر از قامتىلعان وتباسى بالالارىنا بەرىلەتىن بولادى. ءبىز وسىنداي قيىن كەزەڭدە ءاربىر بالانىڭ ساپالى جانە جاقسى ءبىلىم الۋىن قالايمىز. ويتكەنى, بولاشاق ۇرپاقتىڭ دامۋىنا ەش كەدەرگى بولماۋى كەرەك", - دەيدى قور ديرەكتورى قاسىم قاسابەكوۆ.
جالپى, جاڭا وقۋ جىلىندا از قامتىلعان وتباسىلاردىڭ بالالارىنا جاعداي جاساۋ ماقساتىندا ۇزىن سانى 55 مىڭنان استام كومپيۋتەر تەحنيكاسى ساتىپ الىنادى ەكەن. وتكەندە سول كومپيۋتەرلەردىڭ العاشقى لەگى جەتكىزىلگەن بولاتىن. تەحنيكالىق ەرەكشەلىككە سايكەستىگىن مۇقيات تەكسەرىلگەننەن كەيىن, دەربەس كومپيۋتەرلەر اقسۋ, قاراتال اۋداندارى مەن تالدىقورعان قالاسىنىڭ وقۋشىلارىنا بەرىلدى.
"جاڭا وقۋ جىلىندا قاشىقتان وقىتۋ ءۇشىن جاعداي جاساۋ ماقساتىندا الماتى وبلىسىنىڭ وقۋشىلارىن بارلىق قاجەتتى تەحنيكامەن قامتاماسىز ەتۋ جۇمىستارى جۇرگىزىلۋدە. جاقىندا بالالارعا رەسپۋبليكالىق بيۋدجەت قارجىسىنا ساتىپ الىنعان دەربەس كومپيۋتەرلەر تاراتىلسا, بۇل "ساليقالى ۇرپاق" قوعامدىق قورىنىڭ دەمەۋشىلىگىنىڭ ارقاسىندا تالدىقورعان قالاسىنا 500 نوۋتبۋك جەتكىزىلدى. ولاردىڭ ەكى ءجۇزى وبلىس ورتالىعىندا تۇراتىن وقۋشىلارىنا ارنالعان, ال قالعاندارى جاقىن ارادا اۋداندارعا بولىنەدى", - دەيدى وبلىستىق ءبىلىم باسقارماسىنىڭ باسشىسى مايگۇل وماروۆا.
ايتپاقشى, الماتى وبلىسىندا جىل سوڭىنا دەيىن مەكتەپتەردىڭ 84 پايىزى سىمسىز ينتەرنەتكە قول جەتكىزەتىن بولادى. بۇل ماقساتقا جەرگىلىكتى بيۋدجەتتەن 156 مەكتەپكە 454 ميلليون تەڭگە ءبولىندى. ناتيجەسىندە جىل سوڭىنا دەيىن 639 مەكتەپ Wi-Fi تەحنولوگياسى نەگىزىندە عالامتورمەن قامتىلاتىن بولادى. جالپى, بۇگىندە وبلىستاعى 760 مەكتەپتىڭ بارلىعى كومپيۋتەرلىك تەحنيكامەن جابدىقتالىپ, 100 پايىز عالامتورعا قوسىلعان. ونىڭ 527 مەكتەبى نەمەسە 69,3 پايىزى جوعارى جىلدامدىقتى ينتەرنەتكە تالشىقتى-وپتيكالىق كابەل ارقىلى جالعانسا, 233 مەكتەپ ياعني, 30,6 پايىزى سپۋتنيكتىك بايلانىس ارقىلى عالامتور تۇتىنىپ وتىر ەكەن. ال Wi-Fi تەحنولوگياسى نەگىزىندە سىمسىز ينتەرنەتكە قوسىلعان مەكتەپ سانى 483 شاماسىندا.
سونداي-اق, وبلىستىڭ ءبىلىم وشاقتارىنداعى كومپيۋتەرلەردىڭ جالپى سانى 50 مىڭنان اسادى ەكەن. ونىڭ 40 مىڭعا جۋىعى اۋىل مەكتەپتەرىنە تيەسلى كورىنەدى. بىلتىر اقپاراتتاندىرۋ باعدارلاماسى بويىنشا جۇمىس تەحنيكاسىن ساتىپ الۋعا 376,9 ميلليون تەڭگە بولىنسە, بيىل مۇعالىمدەرگە قاجەت كومپيۋتەر ءۇشىن 311,8 ميلليون تەڭگە قارجى قاراستىرىلعان. مۇنان بولەك, وبلىستىڭ ءبىلىم بەرۋ مەكەمەلەرىندە 69 ءىت-سىنىپتار قۇرىلعان. بيىلدىڭ وزىندە 50 ءىت سىنىپتى جابدىقتاۋ ءۇشىن 476,8 ميلليون تەڭگە قارجى ءبولىنىپ وتىر.
