پرەزيدەنت • 10 قىركۇيەك، 2020

پرەزيدەنت "ميلح" جاۋاپكەرشىلىگى شەكتەۋلى سەرىكتەستىگىنە باردى

21 رەت كورسەتىلدى

مەملەكەت باسشىسى قاسىم-جومارت توقاەۆ قوستاناي وبلىسىنداعى بالمۇزداق جانە اشىتىلعان ءسۇت ونىمدەرىن وندىرەتىن "ميلح" جاۋاپكەرشىلىگى شەكتەۋلى سەرىكتەستىگىنىڭ وندىرىسىمەن تانىستى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

پرەزيدەنتكە پاستەرلەنگەن ءسۇت ءوندىرىسى مەن قايتا وڭدەيتىن زاماناۋي جابدىقتار كورسەتىلدى. كاسىپورىن تاۋلىگىنە 130-150 توننا ءسۇت وڭدەۋگە قاۋقارلى.

كاسىپورىن ءسۇت ونىمدەرىنىڭ 120-دان استام ءتۇرىن شىعارادى، ولاردىڭ 30% رەسەيدىڭ شەكارالاس ايماقتارىنا ەكسپورتتالادى. وندىرىستە 710 ادام تۇراقتى تۇردە جۇمىس ىستەيدى. شيكىزاتتى وبلىستاعى 12 مىڭنان استام جەكە شارۋا قوجالىقتارىنان ساتىپ الىنادى.

قاسىم-جومارت توقاەۆ كومپانيانىڭ ءوندىرىس قارقىنىن ارتتىرۋدىڭ جوسپارىمەن تانىسىپ، ساپالى ءارى باسەكەگە قابىلەتتى ءونىم شىعارۋعا مۇمكىندىك بەرەتىن زاماناۋي تەحنولوگيالاردى ەنگىزۋدىڭ ماڭىزدىلىعىن اتاپ ءوتتى.

پرەزيدەنت قازاقستان حالقىنا ارناعان جولداۋىندا اگروونەركاسىپ كەشەنىن دامىتۋعا قاتىستى بىرقاتار مىندەتتەر قويعان بولاتىن. بۇگىن كاسىپكەرلەردى جولداۋدى جۇزەگە اسىرۋدا بەلسەندىلىك تانىتۋعا شاقىردى.

"جولداۋدىڭ ءار ءسوزىن وي ەلەگىنەن وتكىزىپ وتىرىپ، جۇمىس ىستەدىم. بۇل قۇجات مەنىڭ ءوز قالامىمنان شىقتى. ارتىق ايتىلعان ەشتەڭە جوق، ءبارىن ىسكە اسىرۋعا بولادى. بارلىق باسشىلاردى، كاسىپكەرلەردى جولداۋدى تولىق جۇزەگە اسىرۋعا بەلسەندى اتسالىسۋعا شاقىرامىن"، - دەدى قاسىم-جومارت توقاەۆ.

و

پرەزيدەنت جۇمىسپەن قامتۋدىڭ جول كارتاسىن ىسكە اسىرۋدىڭ دا ماڭىزدى ەكەنىن اتاپ ءوتتى.

"جۇمىسپەن قامتۋدىڭ جول كارتاسى مەملەكەت پەن ۇكىمەتكە قويىلعان مىندەتتەردى جۇزەگە اسىرۋ تۇرعىسىنان وتە ماڭىزدى. بەلگىلى سەبەپتەرگە بايلانىستى شەشىمىن تاپپاعان كوپتەگەن مىندەتتەر، قازىرگى ۋاقىتتا، جۇمىسپەن قامتۋدىڭ جول كارتاسى ارقىلى ورىندالۋدا. تۇرعىن ءۇي كوممۋنالدىق شارۋاشىلىعى دا، الەۋمەتتىك ينفراقۇرىلىم ماسەلەلەرى دە شەشىمىن تاۋىپ كەلەدى"، – دەدى پرەزيدەنت.

ل

مەملەكەت باسشىسى ءسوز سوڭىندا كاسىپورىن باسشىلىعىنا قايىرىمدىلىق جانە الەۋمەتتىك جوبالاردى ىسكە اسىرعانى ءۇشىن العىس ءبىلدىردى. كەزدەسۋگە قاتىسۋشىلار پرەزيدەنت باستاماسى بويىنشا وتكىزىلىپ وتىرعان رەفورمالارعا قولداۋ ءبىلدىرىپ، جولداۋدا ايتىلعان ماقساتتارعا قول جەتكىزۋگە بەلسەندى اتسالىسۋعا دايىن ەكەندەرىن ايتتى.

سوڭعى جاڭالىقتار

عارىشتان انىقتالعان قوقىستار

ەكولوگيا • بۇگىن، 08:24

ۆيرۋس جۇقتىرۋ توقتاماي تۇر

كوروناۆيرۋس • بۇگىن، 08:16

ءورت سوندىرگەن وجەتتەر

ايماقتار • بۇگىن، 08:12

ەرلىككە بەرگىسىز ەڭبەك

قوعام • بۇگىن، 08:09

جاساندى جۇرەك سالىندى

الەم • بۇگىن، 08:02

نۇروتاندىقتاردىڭ ايقىن جەڭىسى

ساياسات • بۇگىن، 07:43

شامانىڭ ءانى

ونەر • كەشە

سوتتالعان جىرلار

ادەبيەت • كەشە

9 اي «تولعاتقان» 9 پايىز

ەكونوميكا • كەشە

ۇقساس جاڭالىقتار