اكتسيانى ەكىباستۇز قالالىق "اتامۇرا" مادەنيەت ورتالىعى ۇيىمداستىردى. تاتتىلەردە اقىن, قازاقستاننىڭ حالىق جازۋشىسى قادىر مىرزا ءالىنىڭ "وزگە ءتىلدىڭ ءبارىن ءبىل, ءوز ءتىلىڭدى قۇرمەتتە!" ولەڭ جولدارى جازىلعان.
"بۇل اكتسيانى تىلدەر كۇنىنە وراي ۇيىمداستىردىق. ءتىلدى دامىتۋعا ارنالعان شارالاردى تۇرلەندىرگىمىز كەلدى. حالىقتى قىزىقتىرعىمىز كەلدى. ۇلكەندەرگە دە, بالالارعا دا ۇلەستىرىلدى. ءتاتتىنى الىپ, جازىلعان ءسوزدى وقىعان كەزدە ادامدار ويلانىپ قالىپ جاتتى. وعان قوسا, ءتاتتى ارقىلى ەلىمىزدە تىلدەر كۇنى بار ەكەنىن بىلگەندەر بار. بۇل كۇندى كوبىنەسە جاستار جاستار جاعى بىلە بەرمەيدى. قىزمەتكەرلەرىمىز ءتاتتىنى تاراتۋ ارقىلى ادامداردى قازاقشا سويلەۋگە, انا ءتىلىمىزدى قۇرمەتتەۋگە شاقىرىپ, ءتىلدى ناسيحاتتاپ قايتتى", - دەدى "اتامۇرا" مو ديرەكتورى نۇرسۇلۋ تولەۋباەۆا.
اكتسيا اياسىندا 100-گە جۋىق ءتاتتى قالا ورتالىعىندا, حالىق كوپ جينالاتىن ورىنداردا تاراتىلدى.
سونىمەن قاتار, نۇرسۇلۋ تولەۋباەۆا تىلدەر كۇنىنە وراي ءتۇرلى ونلاين شارالار, بايقاۋلار, ۆيكتورينالىق ويىندار وتكىزىلگەنىن جانە ءالى دە جالعاساتىنىن ايتتى.
