وسى ءبىر قاسيەتتى ولكەنى اتامەكەنى ساناعان قاھارمان حالىقتىڭ عۇمىربايانى باياندالعان بۇل تۋىندىنى, ءوز ولكەمىزدىڭ ازاماتى بەركىن اكەباەۆ جازىپ شىقتى.
تۋعان جەردىڭ قويناۋىن مىڭ اقتارعان كىتاپتىڭ تۇساۋكەسەر قۋانىشى, كەڭ كولەمدە اتالىپ ءوتتى. اۋدان تاريحىنان سىر شەرتىپ, ۇرپاق يگىلىگىنە اينالار جاڭا كىتاپ قۇتتى بولسىن. بولاشاققا قالار اسىل مۇرالارىمىز كوپ بولسىن. كىتاپتىڭ تانىستىرىلىمىنا وراي پىكىرىمەن رايىمبەك اۋدانىنىڭ اكىمى نۇرجان قۇدايبەرگەنوۆ جەكە پاراقشاسىندا دا ءبولىستى.
"نارىنقول ءوڭىرىنىڭ تاريحى" اتتى تاريحي كىتاپتىڭ اۆتورى بەركىن اكەباەۆ رايىمبەك اۋدانى ءماسليحاتىنىڭ شەشىمىمەن رايىمبەك اۋدانىنىڭ "قۇرمەتتى ازاماتى" توسبەلگىسىمەن ماراپاتتالسا, شارانىڭ ەڭ ايشىقتى ساتىندە قوعام قايراتكەرلەرى ىزعاربەك بەكتۇرسىنوۆ پەن بوساتقان ۇلداربەكوۆ اعالارىمىز تاعىلىمعا تولى كىتاپتىڭ لەنتاسىن قيدى.
اۋداننىڭ ءباسپاسوز مالىمەتتەرىنە سۇيەنسەك, بۇل قۋانىشقا اۋداننان شىققان قالامى قارىمدى ازاماتتار مەن ونەر مايتالماندارى قاتىسىپ, ارنايى تىلەكتەرىن ءبىلدىردى. تاريحي تەرەڭگە بويلاعان رايىمبەك اۋدانى بۇگىندە اۋىل شارۋاشىلىعى دامىعان ولكە. اۋدانننىڭ وسىناۋ تۇنعان تاريحى جايلى كىتاپتىڭ جارىققا شىعۋىنا دەمەۋشىلىك جاساعان اۋدان تۇرعىندارى, "ۇلاعاتتى ۇرپاق" قوعامدىق قورى مەن "بۇركىت" وتىن-ەنەرگەتيكالىق كومپانياسى.
