ايماقتار • 10 قىركۇيەك، 2020

جىل باسىنان بەرى سقو-دا 456 پاتەر ۇرلىعى تىركەلدى

11 رەت كورسەتىلدى

تىركەلگەن 456 ۇرلىقتىڭ 400-دەن استامى اشىلعان. بىراق پاتەر ۇرلىعى توقىرار ەمەس. جۋىردا تاعى ەكى پاتەر ۇرلىعى تىركەلدى. ەكى جاعدايدا دا ۇرلىق جاسادى دەگەن كۇدىكپەن جابىرلەنۋشىلەردىڭ كورشىلەرى ۇستالدى، دەپ حابارلايدى Egemen.kz.

سونىڭ ىشىندە ايىرتاۋ اۋدانىنىڭ ورتالىعى ساۋمالكول اۋىلى تۇرعىنىنىڭ ۇيىنەن 230 مىڭ تەڭگە سوماسىنداعى قاراجاتتىڭ ۇرلانعانى تۋرالى ارىزبەن پوليتسياعا جۇگىنگەن. پوليتسەيلەر جەدەل-پروفيلاكتيكالىق ءىس-شارالار جۇرگىزىپ، ناتيجەسىندە ۇرلىق جاسادى دەگەن كۇدىكپەن ناركولوگيالىق ەسەپتە تۇرعان اتالعان اۋىلدىڭ بۇرىن سوتتالعان 1977 جىلى تۋعان تۇرعىنىن ۇستادى.  ۇرى ءۇي يەلەرى جۇمىستا بولعان كەزدە تەرەزە ارقىلى تۇسكەنى بەلگىلى بولدى. ۇرلانعان قارجىنىڭ ءبىر بولىگى الىندى. اتالعان فاكتى بويىنشا قىلمىستى ءىس قوزعالىپ، كۇدىكتى قاماۋعا الىندى.

تاعى ءبىر ۇرلىق قىزىلجار اۋدانىنىڭ ياكور اۋىلىندا ورىن الدى. اكىمشىلىك ۋچاسكەدەگى تۇنگى رەيد كەزىندە ۋچاسكەلىك پوليتسيا ينسپەكتورى بۇرىن سوتتالعان ادامنىڭ ءبىرىن تەكسەرەدى. پوليتسيا قىزمەتكەرى ۇيدە بەي-بەرەكەت شاشىلىپ جاتقان ءتۇرلى ازىق-ت ۇلىكتى بايقايدى. ءمان-جايدى انىقتاۋ كەزىندە ۋچاسكەلىك ينسپەكتور كەلمەي تۇرىپ، شامامەن ءبىر ساعات بۇرىن قاسكويلەر تۇندە ۇيلەرىندە جوق بولعان ءبىر كوشەدە تۇراتىن كورشىلەرىنىڭ ۇيلەرىنەن ازىق-ت ۇلىكتى ولجالاپ الىپ شىققانى انىقتالدى.  40 جاستاعى بۇرىن سوتتالعان ادام ەسىك قۇلپىن بۇزىپ، ءوزىنىڭ تانىسى، بۇرىن سوتتالعان اۋىل تۇرعىنىمەن بىرگە ءبىر قاپ قانت، كومپوت بانكالارى، ەت، وسىمدىك مايى، سپيرتتىك ىشىمدىكتەر، پارفيۋمەريا زاتتارىن قولدى قىلعان. قازىرگى ۋاقىتتا كۇدىكتىلەر قامالىپ، ۇستەرىنەن قىلمىستى ءىس قوزعالدى.

 

سولتۇستىك قازاقستان وبلىسى

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار