ۇلت دەنساۋلىعىن ساقتاۋدى ودان ءارى دامىتۋ جونىندەگى شارالار بارلىق مەديتسينالىق ۇيىمداردى قاجەتتى جابدىقتارمەن تولىق جابدىقتاۋعا, توسەك قورىن 50% -عا جاڭارتۋعا, ەسكىرگەن ينفراقۇرىلىمدى اۋىستىرۋعا جانە ءومىر ءسۇرۋ ۇزاقتىعىن 75 جاسقا دەيىن جەتكىزۋگە مۇمكىندىك بەرەدى» دەپ اتاپ ءوتتى.
جولداۋدىڭ بۇل باعىتى اياسىندا شىعىس قازاقستان وبلىسىنىڭ اياگوز اۋدانىندا ايتارلىقتاي جۇمىس اتقارىلۋدا. سونداي-اق بۇگىندە اۋدان تۇرعىندارى اراسىندا مەديتسينالىق كومەكتىڭ ساپاسىنا كوڭىلى تولىپ, دəرىگەرلەردىڭ جۇمىسىنا قاناعاتتاناتىن ناۋقاستار قاتارى وسكەن. بۇل اۋدانداعى ءتيىستى مەديتسينالىق قىزمەت كورسەتۋ بازاسىنىڭ نىعايعانىن كورسەتسە كەرەك.
2018 جىلى «مەديتسينالىق-يننوۆاتسيالىق تەحنولوگيا» جشس, «پارىز» قوعامدىق قورى جانە اياگوز ورتالىق اۋداندىق اۋرۋحانا اراسىندا 639 ملن 652 مىڭ تەڭگەگە ۇشجاقتى كەلىسىمشارت جاسالىپ, كومپيۋتەرلىك توموگرافيا, جاساندى دەمالدىراتىن اپپارات, ۋزي جانە باسقا دا قاجەتتى مەديتسينالىق قۇرال-جابدىقتار الىندى. سونداي-اق ەكىنشى دەڭگەيلى ينسۋلت ورتالىعى اشىلعان بولاتىن. ءوز كەزەگىندە بۇل ينسۋلت ورتالىعىندا قازىر اۋدان حالقى عانا ەمەس, سونىمەن قاتار كورشىلەس ءۇرجار, جارما اۋداندارىنىڭ تۇرعىندارى دا ەم-دوم قابىلداۋدا. وسىلايشا اياگوز ورتالىق اۋداندىق اۋرۋحاناسىن بۇگىندە «اۋدانارالىق» مەكەمە دەۋگە بولادى.
بىلتىر اۋداندا جاڭادان ءۇشىنشى دەڭگەيدەگى مەديتسينالىق كومەك كورسەتەتىن پەريناتالدىق ورتالىق اشىلعان ەدى.
ال بيىل اۋرۋحانادا زاماناۋي, سوڭعى ۇلگىدەگى مەديتسينالىق قۇرالدارمەن جابدىقتالعان انگيوگرافيا ءبولىمى اشىلدى. ايتۋ كەرەك, «انگيوگرافيا» – جۇرەك, قان تامىرلارى اۋرۋلارىن دياگنوستيكالاۋدىڭ, ەمدەۋدىڭ قۇرامداس بولىگى. كورونارلىق انگيوگرافيا كومەگىمەن جۇرەكتىڭ ستەنوكارديا, ينفاركت, اورتانىڭ تارىلۋى, تاعى باسقا اۋرۋلاردى دياگنوستيكالاۋعا, ەمدەۋگە بولادى.
بيىل ورتالىق ەمحاناعا 200 ملن تەڭگە قارجى ءبولىنىپ, كۇردەلى جوندەۋ جۇمىستارى جۇرگىزىلۋدە.
جاقىندا اياگوز اۋدانارالىق اۋرۋحاناسىنداعى وڭ وزگەرىستەردى پرەمەر-مينيستر اسقار مامين, دەنساۋلىق ساقتاۋ ءمينيسترى الەكسەي تسوي, وبلىس اكىمى دانيال احمەتوۆ كەلىپ كوردى. وبلىستىق دەنساۋلىق ساقتاۋ باسقارماسىنىڭ باسشىسى ءىلياس مۇحامەدجانوۆ «Triage» جۇيەسى بويىنشا جۇمىس ىستەيتىن قابىلداۋ ءبولىمىن, كومپيۋتەرلىك توموگرافيا, جاڭادان اشىلعان انگيوگرافيا جانە پەرزەنتحانا بولىمدەرىن كورسەتىپ, جۇمىس بارىسىمەن تانىستىردى. ءوز كەزەگىندە ۇكىمەت باسشىسى ينسۋلت ورتالىعىندا, پەرزەنتحانادا جانە جاڭادان اشىلعان انگيوگرافيالىق بولىمدە جاسالعان ساپالى جوندەۋ جۇمىستارىنا جانە مەديتسينا قىزمەتكەرلەرىنىڭ جۇمىسىنا جوعارى باعا بەردى. ال دارىگەرلەر قاۋىمى شەتەلدەردە بىلىمدەرىن جەتىلدىرىپ, وسىنداي جوعارعى تەحنولوگيالىق بولىمدەردە جۇمىس ىستەۋگە مۇمكىندىك بەرگەن ۇكىمەتكە, وبلىس, اۋدان باسشىلارىنا ريزالىقتارىن ايتىپ, اۋدان تۇرعىندارىنىڭ دەنساۋلىعىن قورعاۋعا بار ءبىلىمى مەن كۇش-جىگەرلەرىن ايانباي جۇمساۋعا ۋادە بەردى.
دۋمان ارعىنگەلدى,
جۋرناليست
شىعىس قازاقستان وبلىسى,
اياگوز اۋدانى
