"بۇگىن SALIQALY URPAQ قايىرىمدىلىق قورى وقۋ وزاتتارى مەن جاقسى وقيتىن وقۋشىلارعا ەش قايتارىمسىز 500 نوۋتبۋكتى پايدالانۋعا بەردى. قازىرگى ۋاقىتتا قاشىقتان وقۋ فورماتىن ەسكەرسەك, بۇل وتە جاقسى كومەك. بالالاردىڭ ساپالى ءبىلىم الۋلارىنا مۇمكىندىك بەرەدى دەپ ويلايمىن. كارانتين بىتكەننەن كەيىن اتالعان نوۋتبۋكتەر بالالارعا سىي رەتىندە قالادى. بۇل كومپيۋتەرلەر بالالارعا وليمپيادالارعا, عىلىمي زەرتتەۋلەرگە قاتىسقان كەزدە قاجەت بولادى", دەدى ءلاززات جىلقىباەۆا.
SALIQALY URPAQ قوعامدىق قورىنىڭ ديرەكتورى قاسىم قاسابەكوۆتىڭ ايتۋىنشا, نەگىزگى ماقسات — بالالاردىڭ بولاشاعانا ۇلەس قوسۋ.
"SALIQALY URPAQ قوعامدىق قورى ءتۇرلى سەبەپتەرمەن نوۋتبۋك ساتىپ الا المايتىن وتباسىلارعا كومەكتەسۋ ءۇشىن 500 نوۋتبۋكتى الماتى قالاسىنىڭ ءبىلىم باسقارماسىنا بەردى. ءبىزدىڭ ماقساتىمىز – ۇرپاعىمىزدىڭ ءبىلىم الۋىنا ۇلەس قوسۋ, سەبەبى ءبىلىمدى ۇرپاق – ەلدىڭ بولاشاعى. بۇگىنگى اكتسيانىڭ كومەگىمەن ءبىز بالالار مەن ۇرپاعىمىزدىڭ جارقىن بولاشاعىنا سەبەپكەر بولىپ وتىرمىز", دەدى قاسىم قاسابەكوۆ.
شارا بارىسىندا الاتاۋ, ناۋرىزباي, تۇركسىب اۋداندارىنىڭ كوپبالالى انالارىنا جاڭا نوۋتبۋكتار تابىس ەتىلدى.
"قاشىقتان وقىتۋ كەزىندە الماتى اكىمدىگى بىزگە كوپ كومەكتەستى. مەكتەپتەن بىزگە ەكى نوۋتبۋك جانە ەكى سيم كارتا ءبولىندى. ۇيدە 6 بالا بولعاننان كەيىن, وكىنىشكە قاراي, وقۋعا ەكى نوۋتبۋك بىزگە ازدىق ەتتى. ەندى قازىر بىزگە SALIQALY URPAQ قورى تاعى ءبىر نوۋتبۋكتى سىيعا تارتتى. العىسىمىز شەكسىز. بۇل بالالارىمنىڭ وقۋدا جوعارى جەتىستىكتەرگە جەتۋلەرىنە كومەكتەسەدى دەپ ويلايمىن", دەپ التى بالانىڭ اناسى جاڭىلسىن وتباەۆا العىسىن ءبىلدىردى.
كوروناۆيرۋس ينفەكتسياسىنىڭ تارالۋىنىڭ الدىن الۋدا وقۋ جىلىنىڭ باسىنان بەرى الماتى قالاسىنىڭ بارلىق مەكتەپتەرى قاشىقتان وقۋ فورماتىنا اۋىستىرىلعانىن ەسكە سالامىز.
الماتى قالاسىنىڭ اكىمى باقىتجان ساعىنتاەۆتىڭ تاپسىرماسىمەن بيۋدجەت قارجىسىنىڭ ەسەبىنە 77 مىڭ مۇعالىم مەن وقۋشىلاردى كومپيۋتەرلىك تەحنيكامەن قامتاماسىز ەتۋ جۇمىسى جۇرگىزىلۋدە. بۇگىندە شامامەن 50 مىڭى بەرىلدى. قالعان تەحنيكا 15 قىركۇيەككە دەيىن تاپسىرىلادى. اتا-انالارمەن ءتيىستى ءتۇسىندىرۋ جۇمىستارى جۇرگىزىلۋدە.
اتاپ وتەتىن جايت, ءبىلىم باسقارماسى كومپيۋتەرلەرمەن قامتاماسىز ەتۋدى مەكتەپتەردىڭ ساتىپ الۋ ەسەبىنەن, جان باسىنا قارجىلاندىرۋ ەسەبىنەن, جەرگىلىكتى بيۋدجەت ەسەبىنەن جانە بيلىكتىڭ كومپيۋتەرلىك تەحنيكا رەزەرۆى ەسەبىنەن, سونىمەن بىرگە دەمەۋشىلەردى تارتۋ ارقىلى جۇزەگە اسىرۋدا.
