شاھار باسشىسى قالامگەردى 75 جاسقا تولعان مەرەيتويىمەن قۇتتىقتاپ, ۇلت ادەبيەتى مەن مادەنيەتىن دامىتۋ, قوعامدىق سانىنى كەمەلدەندىرۋ, جاس ۇرپاقتىڭ بويىنا ىزگىلىك پەن وتانشىلدىق سەزىمىن ءسىڭىرۋ جولىنداعى ەسەلى ەڭبەگى ءۇشىن العىس ايتتى.
– ءسىز تۋعان ولكەڭىزدەن الشاقتاماي-اق وڭتۇستىك وڭىردە وزىندىك ادەبي ورتا قالىپتاستىردىڭىز. قوعامدىق ىستەرگە بەلسەنە ارالاسا ءجۇرىپ, قاسيەتتى تۇركىستان مەن شىرايلى شىمكەنتتىڭ رۋحاني-مادەني تۇرعىدا وركەندەۋىنە قوماقتى ۇلەس قوستىڭىز. ءسىزدىڭ "داۋىستىڭ ءتۇسى", "ناۋرىزەك", "سەرت پەن سەنىم", "ماشاتتاعى ماحاببات", "قوزاپايا" سىندى كوپتەگەن تۋىندىلارىڭىز قالىڭ وقىرماننىڭ ىستاق ىقىلاسىنا بولەنگەن, – دەدى مۇرات دۇيسەنبەك ۇلى.
م.ايتەنوۆ قالا تۇرعىندارى اتىنان مەرەيتوي يەسىنە زور دەنساۋلىق, شىعارماشىلىق تابىس پەن وتباسىنا اماندىق تىلەدى. ءوز كەزەگىندە جازۋشى قالا اكىمىنە العىس ايتىپ, شىمكەنتتى كوركەيتۋ جولىنداعى قىزمەتىنىڭ جەمىستى بولۋىنا تىلەكتەستىگىن ءبىلدىردى.
ايتا كەتەيىك, مارحابات بايعۇتتىڭ شىعارمالارى "قازاق پروزاسىنىڭ انتولوگياسىنا" ەنىپ, الەمنىڭ 93 مەملەكەتىنە تاراعان.
