"قولدانىستاعى زاڭناماعا سايكەس, ەرلەر ءۇشىن زەينەتكەرلىك جاس 63 جاستا, ايەلدەر ءۇشىن قازىرگى ۋاقىتتا – 59,5 جاستا باستالادى.
سونداي-اق, بىرىڭعاي جيناقتاۋشى زەينەتاقى قورىندا (بۇدان ءارى - بجزق) جەتكىلىكتى جيناقتالعان زەينەتاقى قاراجاتى بار قازاقستان رەسپۋبليكاسىنىڭ ازاماتتارى زەينەتاقى اننۋيتەتى قۇقىعىن (زەينەتكەرلىك جاسقا جەتكەنگە دەيىن زەينەتكەرلىككە شىعۋ) پايدالانا الادى. زەينەتاقى اننۋيتەتى ەرلەر ءۇشىن – 55 جاس, ايەلدەر ءۇشىن – 51,5 جاس مولشەرىندە بەلگىلەنگەن. زياندى ەڭبەك جاعدايلارىندا جۇمىس ىستەيتىن ازاماتتار 50 جاستان باستاپ زەينەتاقى اننۋيتەتىن پايدالانا الادى.
سونىمەن بىرگە, "قازاقستان رەسپۋبليكاسىندا زەينەتاقىمەن قامسىزداندىرۋ تۋرالى" زاڭدا ايەلدەردىڭ زەينەتكەرلىك جاسىن 2018 جىلدان 2027 جىلعا دەيىن 10 جىل ىشىندە, 6 اي سايىن ارتتىرۋ كوزدەلگەن.
ايەلدەردىڭ زەينەتكەرلىك جاسىن ارتتىرۋ ىنتىماقتى زەينەتاقى جۇيەسىنىڭ بىرتىندەپ "توقتاتىلۋىنا" بايلانىستى (ىنتىماقتى زەينەتاقى تاعايىنداۋ ءۇشىن ەڭبەك ءوتىلى 1998 جىلعى 1 قاڭتارعا دەيىن عانا ەسەپكە الىنادى, سوندىقتان ونىڭ مولشەرى جىلدان جىلعا ازايادى).وسىعان وراي ايەلدەرگە جيناقتاۋشى زەينەتاقى جۇيەسىنە قاتىسۋ مەرزىمىن جانە جيناقتالعان زەينەتاقى قاراجاتىنىڭ كولەمىن ۇلعايتۋعا مۇمكىندىك بەرىلەدى. بۇل بولاشاقتا ولارعا بجزق-دان زەينەتاقى تولەمدەرىن جانە مەملەكەتتىك بازالىق زەينەتاقى تولەمىن جوعارى مولشەردە الۋعا مۇمكىندىك بەرەدى, ونىڭ مولشەرى 2018 جىلعى 1 شىلدەدەن باستاپ زەينەتاقى جۇيەسىنە قاتىسۋ وتىلىنە بايلانىستى بولادى.
زەينەتكەرلىك جاستىڭ ۇلعايۋى قازىرگى ۋاقىتتا زەينەتاقىنىەرتە الۋعا قۇقىعى بار ايەلدەرگە اسەر ەتپەيدى:
– 5 نەمەسە ودان دا كوپ بالا تۋىپ (اسىراپ الىپ), ولاردى سەگىز جاسقا دەيىن تاربيەلەگەن ايەلدەر - 53 جاستا;
– سەمەي يادرولىق سىناق پوليگونىنىڭ توتەنشە جانە ەڭ جوعارى رادياتسيالىق قاۋپى بار ايماقتارىندا 1949 جىلعى 29 تامىزدان 1963 جىلعى 5 شىلدەگە دەيىن كەمىندە 5 جىل ءومىر سۇرگەن ايەلدەر - 45 جاستا.
ايەلدەر ءۇشىن جۇمىس ىستەمەيتىن انانىڭ بالالارىنا كۇتىم جاساعان ۋاقىتىن, بىراق ءار بالا 3 جاسقا تولعانعا دەيىن, بارلىعى 12 جىل شاماسىنداعى ۋاقىتىن زەينەتاقى تاعايىنداۋ ءۇشىن ەڭبەك وتىلىنە ەسەپكە الۋ بويىنشا جەڭىلدىك ساقتالدى.
ازاماتتاردان جالعان اقپاراتقا نازار اۋدارماۋدى جانە اقپاراتتى تەك رەسمي كوزدەردەن عانا الۋدىسۇرايمىز.
جالعان اقپاراتتى تاراتۋ زاڭ بويىنشا جازالاناتىنىن ەسكە سالامىز", دەلىنگەن حابارلامادا.
