مينيستر حابارلاعانداي, 8 ايدىڭ قورىتىندىسى بويىنشا ونەركاسىپ ءوندىرىسىنىڭ كولەمى 0,4% ءوستى. تاۋ-كەن ءوندىرۋ سەكتورىندا ءتۇستى كەندەردى ءوندىرۋ قۇرامىندا التىن بار كەندى ءوندىرۋدى ارتۋى ەسەبىنەن 1,4% ءوستى. تەمىر كەن ءوندىرۋ كولەمى 0,9% ءوستى. كومىر ونىمدەرىن تۇتىنۋ كولەمىنىڭ ارتۋىنا بايلانىستى ءوسىم 1,2% قۇرادى.
"وڭدەۋ ونەركاسىبىندە ناقتى كولەم يندەكسى ءتۇستى مەتاللۋرگيا, فارماتسەۆتيكا, جەڭىل ونەركاسىپ, ماشينا جاساۋ, حيميا جانە باسقا دا سالالار ەسەبىنەن 3,3% ءوستى. ءتۇستى مەتاللۋرگيادا ءوندىرىس كولەمى تازارتىلعان التىن ءوندىرۋ كولەمىن 3%, باستاپقى ءاليۋمينيدى 1%, قۇيما التىن 30%, تۇيىرشىكتەردەگى كۇمىس 28% جانە باسقا دا كورسەتكىشتەردىڭ وسۋىنە بايلانىستى ناقتى كولەم يندەكسى 2,7% ارتتى", دەدى ب. اتامقۇلوۆ.
قارا مەتاللۋرگيادا ناقتى كولەم يندەكسى 97,8% قۇرادى. بۇل كورسەتكىش بولاتتىڭ, رەلستەردىڭ, بولات قۇبىرلاردىڭ, شويىن ءوندىرىسى كولەمىنىڭ تومەندەۋىنە بايلانىستى بولدى. حيميا ونەركاسىبىندە ءوندىرىس كولەمى 3,1% ءوستى. بۇل دەزينفەكتسيالىق قۇرالدار جانە مينەرالدى تىڭايتقىشتاردىڭ ءوندىرۋ كولەمىنىڭ ۇلعايۋىنا بايلانىستى.
"ماشينا جاساۋ سالاسى جاقسى ناتيجە كورسەتىپ, ءوندىرىس كولەمى 16,3% ءوستى. اۆتوكولىك قۇرالدارى, ترەيلەرلەر جانە جارتىلاي تىركەمەلەر 51,8%, ماشينالار مەن جابدىقتاردى جوندەۋ جانە ورناتۋ 2,8%, وزگە كولىك قۇرالدارىن جاساۋ 101,4%, ەلەكتر جابدىقتاردى جاساۋ 0,2% ءوستى", دەدى مينيستر.
فارماتسەۆتيكا ونەركاسىبىندە ءوندىرىس كولەمى 34,1% ارتتى. "سق-فارماتسيا" ديستريبيۋتورى ارقىلى تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە دارىلىك زاتتار مەن مەديتسينالىق بۇيىمداردى جەتكىزۋ كولەمى ۇلعايتىلدى. جەڭىل ونەركاسىپتە ءوندىرىس 11% ءوستى. ول توقىما بۇيىمدارى ءوندىرىسىنىڭ 7,2% جانە بىلعارى ونىمدەردىڭ 66,2% ۇلعايۋىنا بايلانىستى بولدى. كولىك سالاسىندا ناقتى كولەم يندەكسى 2020 جىلدىڭ قاڭتار-تامىز ايلارىندا 83,9% قۇرادى. كونتەينەرلەردىڭ ترانزيتتىك تاسىمالدارىنىڭ كولەمى وتكەن جىلدىڭ سايكەس كەزەڭىمەن سالىستىرعاندا 37% ارتىپ, 564 مىڭ جيىرما فۋنتتىق بالامانى قۇرادى. ۆەدومستۆو باسشىسى حابارلاعانداي, كولىكتىڭ بارلىق تۇرلەرىمەن جۇك تاسىمالداۋ كولەمى 2,5 ملرد توننانى قۇراپ, 7,5% تومەندەدى.
"قۇرىلىس سالاسىندا ناقتى كولەم يندەكسى 2020 جىلدىڭ قاڭتار-تامىز ايلارىندا 106,5% قۇرادى. ءوسىم قۇرىلىس كولەمىن ارتتىرۋ ەسەبىنەن قامتاماسىز ەتىلەدى. 16 وڭىردە وڭ ديناميكا بايقالادى", دەدى مينيستر.
تۇرعىن ءۇي قۇرىلىسىندا بيىل 8 ايدىڭ قورىتىندىسىندا 8 ملن 100 مىڭ شارشى مەتر تۇرعىن ءۇي پايدالانۋعا بەرىلدى, بۇل وتكەن جىلدىڭ سايكەس كەزەڭىمەن سالىستىرعاندا 106,4%. بۇگىنگى تاڭدا رەسپۋبليكا بويىنشا بارلىعى 71 457 باسپانا پايدالانۋعا بەرىلدى. وتكەن جىلمەن سالىستىرعاندا, تۇرعىن ءۇيدى پايدالانۋعا بەرۋ كولەمىنىڭ ارتۋى 14 وڭىردە بايقالادى.
