2020 جىلعى قاڭتار-تامىز ايلارىنىڭ قورىتىندىسى بويىنشا مۇناي جانە كوندەنسات ءوندىرۋ كولەمى 58,3 ملن تونناعا جەتتى, 2020 جىلدىڭ جوسپارى 85,2 ملن توننانى قۇرايدى. مۇناي ەكسپورتى 47,3 ملن توننانى قۇرادى, 2020 جىلدىڭ بولجامى – 67,5 ملن توننا.
ەسەپتى كەزەڭدە گاز ءوندىرۋ كولەمى 37,7 ملرد تەكشە مەتردى قۇرادى, 2020 جىلدىڭ جوسپارى – 56,5 ملرد تەكشە مەتر. تاۋارلىق گازدى ىشكى تۇتىنۋ كولەمى 10,2 ملرد تەكشە مەترگە جەتتى. 2020 جىلدىڭ جوسپارى – 16,5 ملرد تەكشە مەتر. سۇيىتىلعان مۇناي گازىن ءوندىرۋ كولەمى 2,06 ملن توننانى قۇرادى, سونىڭ ىشىندە 8 ايدىڭ قورىتىندىسى بويىنشا 1,40 ملن توننا ىشكى نارىقتا پايدالانىلدى.
2020 جىلدىڭ جوسپارى – 3,2 ملن توننا. مۇناي ونىمدەرىن ءوندىرۋ 2020 جىلدىڭ قاڭتار-تامىز ايلارىنىڭ قورىتىندىسى بويىنشا 7,4 ملن توننانى قۇرادى, سونىڭ ىشىندە:
اۆتوبەنزين ءوندىرۋ – 2,87 ملن توننا.
ديزەل وتىنىن ءوندىرۋ – 3 ملن توننا.
اۆياوتىن ءوندىرۋ – 277 مىڭ توننا.
مازۋت ءوندىرۋ – 1,3 ملن توننا.
2020 جىلعا ارنالعان مۇناي ونىمدەرىن ءوندىرۋ جوسپارى 11,6 ملن توننا.
بيتۋم ءوندىرىسى 2020 جىلدىڭ قاڭتار-تامىز ايلارىنىڭ قورىتىندىسى بويىنشا 675 مىڭ تونناعا جەتتى, 2020 جىلدىڭ جوسپارى – 983 مىڭ توننا.
"بۇگىنگى تاڭدا ىشكى نارىق وزىمىزدە وندىرىلگەن مۇناي ونىمدەرىمەن تولىق قامتاماسىز ەتىلگەن", دەدى ن.نوعاەۆ. مۇناي-گاز-حيميا ونىمدەرىن ءوندىرۋ كولەمى 262 مىڭ تونناعا جەتتى, 2020 جىلدىڭ جوسپارى – 400 مىڭ توننا. ەسەپتى كەزەڭدە 69,5 ملرد كۆت/ساعات ەلەكتر ەنەرگياسى ءوندىرىلدى, 2020 جىلدىڭ جوسپارى – 105,2 ملرد كۆت/ساعات. بۇل رەتتە ن. نوعاەۆ ەلەكتر ەنەرگياسىن ءوندىرۋ تىكەلەي ەنەرگيا تۇتىنۋ كولەمىنە قاتىستى ەكەندىگىن ايتتى. ەسەپتى كەزەڭدە ءىرى اپاتتىق جاعدايلار تىركەلگەن جوق. ۋران ءوندىرۋ كولەمى 13,5 مىڭ توننا بولدى, 2020 جىلدىڭ جوسپارى 19,3 مىڭ توننانى قۇرايدى.
"نەگىزگى كورسەتكىشتەرگە قول جەتكىزۋ ەنەرگەتيكا مينيسترلىگىنىڭ تۇراقتى باقىلاۋىندا", دەپ تۇيىندەدى ن.نوعاەۆ.
