ەكونوميكا • 09 قىركۇيەك، 2020

8 ايدىڭ قورىتىندىسى بويىنشا مەملەكەتتىك بيۋدجەتكە 5،5 ترلن تەڭگە كىرىس ءتۇستى

23 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا قارجى ءمينيسترى ەرۇلان جاماۋباەۆ 2020 جىلدىڭ 8 ايىنىڭ قورىتىندىسى بويىنشا رەسپۋبليكالىق بيۋدجەتتىڭ ورىندالۋى تۋرالى باياندادى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ. 

مەملەكەتتىك بيۋدجەتكە (ترانسفەرتتەردى ەسەپكە الماعاندا) 5،5 ترلن تەڭگە سوماسىندا، رەسپۋبليكالىق بيۋدجەتكە 3 ترلن 455 ملرد تەڭگە سوماسىندا كىرىستەر ءتۇستى. كىرىستەر بويىنشا جوسپاردىڭ اتقارىلماۋى 610 ملرد تەڭگەنى قۇرادى.

نەگىزگى اتقارىلماۋ سومالارى قوسىلعان قۇن سالىعى (596 ملرد تەڭگە) جانە كورپوراتيۆتىك تابىس سالىعىنا (260 ملرد تەڭگە) تيەسىلى بولدى. جەرگىلىكتى بيۋدجەتتەردىڭ مەنشىكتى كىرىستەرى 121%-عا اتقارىلدى جانە 2 ترلن تەڭگەدەن استامدى قۇرادى. جوسپار 353 ملرد تەڭگەگە اسىرا ورىندالدى. ونىڭ ىشىندە سالىقتار بويىنشا - 328 ملرد تەڭگەگە. بارلىق وڭىرلەردە كىرىستەر جوسپارلارى اسىرا ورىندالدى. مەملەكەتتىك بيۋدجەتتىڭ شىعىستارى 98،8%-عا، رەسپۋبليكالىق بيۋدجەتتىڭ شىعىستارى - 99،5%-عا، جەرگىلىكتى بيۋدجەتتەردىڭ شىعىستارى - 98،4%-عا اتقارىلدى.

رەسپۋبليكالىق بيۋدجەتتىڭ شىعىستارى 9 ترلن 251 ملرد تەڭگەنى قۇرادى. 45 ملرد تەڭگە اتقارىلماعان. ونىڭ ىشىندە ۇنەمدەۋ – 17 ملرد تەڭگە، يگەرىلمەگەنى – 28 ملرد تەڭگە.

"يگەرىلمەۋدىڭ نەگىزگى سەبەپتەرى: كونكۋرستىق راسىمدەردى، شارتتاردى جاساسۋ راسىمدەرىن ۇزاق جانە ۋاقتىلى وتكىزبەۋ، ورىندالعان جۇمىستار اكتىلەرىن ۇسىنباۋ، كارانتيندىك شەكتەۋلەرگە بايلانىستى تاۋارلاردى جەتكىزبەۋ، ناقتى كورسەتىلگەن قىزمەتتەر كولەمى، ورىندالعان جۇمىستار ءۇشىن اقى تولەۋ، سونداي-اق رەسپۋبليكالىق بيۋدجەتتىڭ قولما-قول اقشانى باقىلاۋ شوتىنداعى قاراجاتتىڭ جەتكىلىكسىزدىگى"، — دەدى مينيستر. جەرگىلىكتى بيۋدجەتتەردىڭ شىعىستارى 4،9 ترلن تەڭگەنى قۇرادى. اتقارىلماعانى - 80 ملرد تەڭگە. اعىمداعى جىلى وڭىرلەرگە 2،3 ترلن تەڭگە سوماسىندا نىسانالى ترانسفەرتتەر كوزدەلگەن. الدىن الا مالىمەتتەر بويىنشا ولارعا 1 قىركۇيەككە 1،4 ترلن تەڭگە ءبولىندى. ونىڭ ىشىندە 97،9%-ى يگەرىلگەن. اتقارىلماعانى - 29 ملرد تەڭگە. ونىڭ ىشىندە 7 ملرد تەڭگە ۇنەمدەلدى، 22 ملرد تەڭگە يگەرىلمەدى. وتكەن 8 ايدا كامەرالدىق باقىلاۋمەن سوماسى 12،3 ترلن تەڭگەگە 1 ملن اسا مەملەكەتتىك ساتىپ الۋ ءراسىمى قامتىلدى. تەكسەرۋ قورىتىندىلارى بويىنشا سوماسى 4،6 ترلن تەڭگەگە بۇزۋشىلىقتار ەسكەرتىلدى. 1 مىڭنان اسا اۋديتورلىق ءىس-شارا وتكىزىلدى.

"اۋديتپەن 603 ملرد تەڭگە بيۋدجەت قاراجاتى قامتىلدى. سوماسى 168 ملرد تەڭگەگە قارجىلىق بۇزۋشىلىقتار انىقتالدى. تاۋارلار جەتكىزىلىمىن قالپىنا كەلتىرۋ، قىزمەتتەر كورسەتۋ جانە جۇمىستاردى ورىنداۋ، بيۋدجەتكە وتەۋ جانە ەسەپ بويىنشا كورسەتۋ جولىمەن 162 ملرد تەڭگەگە بۇزۋشىلىقتار جويىلدى. اۋديت وبەكتىلەرى قىزمەتىن جەتىلدىرۋ جانە تيىمدىلىگىن ارتتىرۋ ءۇشىن 966 ۇسىنىم بەرىلدى. ونىڭ ىشىندە 760-ى ورىندالدى"، — دەدى ە. جاماۋباەۆ.  

2016-2020 جىلدارعا ارنالعان جەكەشەلەندىرۋدىڭ كەشەندى جوسپارى 93%-عا ورىندالدى. 2020 جىلى 74 وبەكتىنى ساتۋ جوسپارلانىپ وتىر. ونىڭ ىشىندە 38-ءى ساتىلىمعا قويىلدى. ەسەپتى كەزەڭدە سوماسى 88،4 ملرد تەڭگەگە 6 وبەكتى ساتىلدى. ساۋدا-ساتتىقتا 32 وبەكتى تۇر. 5 وبەكتى قايتا ۇيىمداستىرۋعا جانە تاراتۋعا جىبەرىلدى. 18 وبەكتى جىل سوڭىنا دەيىن ساتۋعا قويىلاتىن بولادى. 13 وبەكت بويىنشا ىسكە اسىرۋ مەرزىمى 2021-2024 جىلدارعا اۋىستىرىلدى. ەسەپتى كەزەڭدەگى بيۋدجەتتىڭ اتقارىلۋ ناتيجەلەرى وسىنداي.

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار