تاعايىنداۋ • 08 قىركۇيەك، 2020

تارباعاتاي اۋدانىنا جاڭا اكىم تاعايىندالدى

295 رەت كورسەتىلدى

جاۋاپتى قىزمەتكە بۇعان دەيىن كوكپەكتى اۋدانىنىڭ اكىمى قىزمەتىن اتقارعان اسحات سايداحمەت ۇلى سمايىلوۆ تاعايىندالدى. بۇل تۋرالى شىعىس قازاقستان وبلىسىنىڭ ءباسپاسوز قىزمەتى حابارلايدى، - دەپ جازادى Egemen.kz

اسحات سايداحمەت ۇلى 1968 جىلى 1 ناۋرىزدا سەمەي وبلىسى اقسۋات اۋدانى قىزىل كەسىك اۋىلىندا دۇنيەگە كەلگەن. 1991 جىلى قاراعاندى مەملەكەتتىك ۋنيۆەرسيتەتىن "ەكونوميست" ماماندىعى بويىنشا ءبىتىردى.

ەڭبەك جولىن 1994 جىلى اقسۋات اۋداندىق قارجى ءبولىمىنىڭ كىرىستەر ءتۇسۋىن بولجاۋ جانە ەكونوميكالىق تالداۋ ءبولىمىنىڭ اعا ەكونوميسىنەن باستاعان. كەيىن تارباعاتاي اۋداندىق قارجى ءبولىمى مەڭگەرۋشىسىنىڭ ورىنباسارى، بيۋدجەت ءبولىمىنىڭ باستىعى قىزمەتتەرىن اتقاردى.

2002-2005 جىلدار ارالىعىندا تارباعاتاي اۋداندىق ەكونوميكا ءبولىمىنىڭ، كەيىن اۋدان اكىمى اپپاراتىنىڭ قارجى-شارۋاشىلىق ءبولىمىنىڭ باستىعى بولدى. ەكى جىل تارباعاتاي اۋداندىق ەكونوميكا جانە بيۋدجەتتىك جوسپارلاۋ ءبولىمىنىڭ باستىعى لاۋازىمىندا جۇمىس ىستەدى.

2009 جىلدىڭ جەلتوقسانىندا كوكجىرا اۋىلدىق وكرۋگىنىڭ اكىمى بولىپ تاعايىندالدى. كەيىن تارباعاتاي اۋدانى اكىمىنىڭ ورىنباسارى قىزمەتىندە بولدى.

سوڭعى جاڭالىقتار

الماتىدا باقىلاۋ كۇشەيتىلدى

كوروناۆيرۋس • كەشە

تىلىكسىز وتا جاسالدى

مەديتسينا • كەشە

ۇقساس جاڭالىقتار