ەكىجاقتى تالقىلاۋدىڭ نەگىزگى تاقىرىبى – سىبايلاس جەمقورلىققا قارسى ءىس-قيمىلدى كۇشەيتۋ, جەمقورلىق فاكتىلەرى تۋرالى حابارلاعان ادامداردى (whistleblowing) قورعاۋدىڭ كەشەندى جۇيەسىن قالىپتاستىرۋ, قۇقىق قورعاۋ ورگاندارىنىڭ قىزمەتكەرلەرىن, سۋديالاردى, پارا بەرۋشىلەر مەن پاراقورلىقتاعى دەلدالداردى جەمقورلىق قىلمىستارى ءۇشىن جازانى قاتاڭداتۋ بولىگىندە مەملەكەت باسشىسىنىڭ جولداۋىندا ايتىلعان سىبايلاس جەمقورلىققا قارسى باستامالاردى ىسكە اسىرۋ.
ء «بىز قوعامدىق سۇرانىسقا جاۋاپ بەرە وتىرىپ, سىبايلاس جەمقورلىققا قارسى ءىس-قيمىلدى كۇشەيتۋ, زاڭ ۇستەمدىگىن نىعايتۋ جانە ادام قۇقىقتارىن قورعاۋ بويىنشا جۇمىستار اتقارۋدامىز», – دەدى اليك شپەكباەۆ. ودان ءارى سەرب ارىپتەستەرىنە اگەنتتىكتىڭ قىزمەتى تۋرالى بەينەروليك كورسەتىلدى.
ءوز كەزەگىندە دراگان سەكيميچ: «بۇگىنگى كەزدەسۋ جاڭا جەمىستى جانە ۇتىمدى سەرىكتەستىكتىڭ باستاۋى بولادى دەپ ۇمىتتەنەمىن. ءبىز ءوز تاجىريبەمىزبەن جانە بىلىمىمىزبەن بولىسۋگە قۋانىشتىمىز». سونداي-اق ول قازاقستاننىڭ تاجىريبەسىن جوعارى باعالاپ, قابىلدانىپ جاتقان شارالاردىڭ ۇدەمەلى ءۇردىسىن اتاپ ءوتتى.
سەربيانىڭ «حابارشىلاردى قورعاۋدىڭ التىن ستاندارتى» ەرەكشە نازار اۋدارۋعا تۇرارلىق. بۇل جەكە زاڭمەن رەتتەلەتىن جۇيە, وندا فيزيكالىق قاۋىپسىزدىكتى قامتاماسىز ەتۋ, جۇمىس ورنىنداعى كەمسىتۋشىلىكتى بولدىرماۋ جانە سىبايلاس جەمقورلىق فاكتىلەرىن ءۇش ساتىلى حابارلاۋ قامتىلادى.
حابارلاۋشىلار 10 جىلعا دەيىن مەملەكەتتىڭ قامقورلىعىندا بولا وتىرىپ, ودان ءارى قۋدالاۋدان قورىقپاي ۋاكىلەتتى ورگاندارعا, باق-قا جانە قوعامدىق ۇيىمدارعا جۇگىنە الادى.
سەربيا لوببيستىك قىزمەتتى رەتتەۋ تۋرالى زاڭ قابىلداعان بىرنەشە ەلدىڭ ءبىرى ەكەندىگىن اتاپ وتكەن ءجون. ونىڭ ىشىندە, وقىتۋ, ەمتيحان تاپسىرۋ جانە سەرتيفيكاتتاۋ كەزەڭدەرى رەتتەلگەن. اتالعان زاڭناما مەملەكەتتىك باسقارۋ ورگاندارىنىڭ اشىقتىعىن ارتتىرۋ ارقىلى قوعامدىق مۇددەلەردى قورعايدى, لوببيستەردىڭ ادالدىعى مەن جاۋاپكەرشىلىگىن ءتيىستى ەرەجەلەر ارقىلى نىعايتادى.
سونىمەن قاتار سەكيميچ مىرزا مەملەكەتتىك قىزمەتشىلەردىڭ م ۇلىكتەرى مەن اكتيۆتەرىنىڭ ءتىزىلىمىن جۇرگىزۋگە جانە پارتيانىڭ سىبايلاس جەمقورلىققا قارسى اگەنتتىككە قارجىلىق ەسەپ بەرۋ مىندەتتىلىگىنە نازار اۋداردى.
قازاقستاندىق تاراپتى مەملەكەتتىك ورگانداردىڭ ءوزىن ءوزى تالداۋ مەن باعالاۋعا باعىتتالعان پاراساتتىلىق جوسپارلارىن ىسكە اسىرۋ تاجىريبەسى قىزىقتىردى. بەلگىلى ءبىر ورگاننىڭ نەمەسە ۇيىمنىڭ قىزمەتكەرلەرى ىقتيمال «تايعاق جولدار» تۋرالى بىلە وتىرا, تەك وزدەرى سىبايلاس جەمقورلىقتىڭ الدىن الۋ ءۇشىن جاۋاپكەرشىلىكتى قابىلداپ, سىبايلاس جەمقورلىق تاۋەكەلدەرىنىڭ تۋىنداۋىنان قورعاي الادى.
كەزدەسۋ سوڭىندا تاراپتار تاجىريبە الماسۋعا دايىن ەكەندىكتەرىن ءبىلدىرىپ, بىرقاتار سىبايلاس جەمقورلىققا قارسى باستامالار مەن جوبالاردى بىرلەسىپ ىسكە اسىرۋ تۋرالى ۋاعدالاستى.
