نۇر-سۇلتان قالاسىنداعى حالىققا قىزمەت كورسەتۋ ورتالىقتارىندا "ەڭبەك يمميگرانتتارىنا رۇقسات بەرۋ جانە قايتا راسىمدەۋ" مەملەكەتتىك قىزمەتىن ۇسىنۋ بويىنشا پيلوتتىق جوبا ىسكە قوسىلدى. ول "جۇمىسپەن قامتۋ 2020 جول كارتاسى" اياسىندا, سونداي-اق كوشى-قون قىزمەتىنىڭ مەملەكەتتىك قىزمەتتەرىن وڭتايلاندىرۋ ماقساتىندا جۇزەگە اسىرىلۋدا.
"ەگەر بۇرىن رۇقساتتاردى راسىمدەۋ كەزىندە جۇمىس بەرۋشىلەر مەن شەتەلدىكتەر نۇر-سۇلتان قالاسى, يمانوۆ كوشەسى 31 مەكەنجايى بويىنشا ورنالاسقان كوشى-قون قىزمەتتەرى ورتالىعىنا ءوتىنىش بىلدىرسە, ەندى بۇل مەملەكەتتىك قىزمەتتى قالاداعى 6 حقكو-دان الۋعا بولادى", دەلىنگەن حابارلامادا.
وسىلايشا, ازاماتتارعا ىڭعايلى بولۋ ءۇشىن, كوشى-قون قىزمەت باسقارماسى ازاماتتارعا ارنالعان "ۇكىمەتتىك مەملەكەتتىك كورپوراتسياسى" كەاق كەلىسىمى بويىنشا, 16 ماۋسىمىنان باستاپ س409 كوشەسىندە (سارىارقا اۋدانى) ورنالاسقان نۇر-سۇلتان قالاسىنىڭ حقكو فيليالىندا ەڭبەك يمميگرانتتارىنا رۇقسات بەرۋدى جۇزەگە اسىرادى.
سونىمەن قاتار, 26 تامىزدان باستاپ ماڭگىلىك ەل, 30 ءۇي (ەسىل اۋدانى), تاۋەلسىزدىك داڭعىلى, 32 ءۇي (الماتى اۋدانى) جانە اباي داڭعىلى, 80 ءۇي (بايقوڭىر اۋدانى) مەكەنجايلارىندا ورنالاسقان قالانىڭ 3 – حقكو-دا وسىعان ۇقساس جۇمىس ۇيىمداستىرىلعان.
بۇدان باسقا, حقكو-دا شەتەل ازاماتتارىنىڭ كوپ جينالۋىن بولدىرماس ءۇشىن 1 قىركۇيەكتەن باستاپ, قوسىمشا وسى مەملەكەتتىك قىزمەتتى ساۋران كوشەسى, 7 ءۇي (ەسىل اۋدانى), رەسپۋبليكا داڭعىلى, 43 ءۇي (سارىارقا اۋدانى) بويىنشا ورنالاسقان 2 حقكو-دان الۋعا بولادى.
"ەڭبەكشى كوشىپ كەلۋشىلەرگە رۇقساتتار بەرۋ جانە ۇزارتۋ" مەملەكەتتىك قىزمەتى ماماندارعا كەدەرگىسىز قول جەتكىزۋ ارقىلى ەلەكتروندىق كەزەك رەجيمىندە ۇسىنىلادى.
