بەحتەرەۆ اۋرۋى, ياعني انكيلوزدى سپونديلوارتريت–ومىرتقاارالىق بۋىنداردىڭ قابىنۋىنان پايدا بولاتىن, بۋىنداردىڭ ۇزاق ۋاقىت بويى قابىنۋى ولاردىڭ قيمىلىن شەكتەيتىن انكيلوزعا ء(بىتىپ كەتۋ) اكەپ سوقتىرادى. انكيلوزدى سپونديليتپەن كوبىنەسە 15-30 جاستاعى ەر ادامدار اۋىرادى.
بەحتەرەۆ اۋرۋىنىڭ دامۋ سەبەپتەرىندە كوبىنە اۋرۋ ەرەكشە تۇقىم قۋالاۋشىلىق جاعدايىندا بەلگىلى ءبىر گەنەتيكالىق يممۋندىق جۇيەسىنىڭ ەرەكشەلىكتەرى بار جانە سوزىلمالى ينفەكتسيالاردىڭ (نەگىزىنەن ىشەك جانە ءزار شىعارۋ جولدارىنىڭ) بولۋىنىڭ ماڭىزى زور. ادەتتە ىشەك, جىنىستىق ينفەكتسيالار, سترەسس جانە قيمىل-تىرەك اپپاراتىنىڭ زاقىمدانۋ فاكتورلارى ورشىتەدى.
قانداي شاعىمداردىڭ بولۋى مۇمكىن؟ بۇل اسىرەسە تاڭەرتەڭگى ۋاقىتتا ارقانىڭ اۋرۋىنان پايدا بولادى. بەحتەرەۆ اۋرۋىنا ءتان بەلگى – تاڭەرتەڭنەن بەلدى قوزعالتا الماي, توسەكتەن تۇرۋ قيىنعا سوعادى. اۋىرسىنۋ دا, قوزعالۋ دا كۇنى بويى قوزعالىس باستالعان كەزدە اقىرىنداپ باسەڭدەيدى. ۇزاق ۋاقىت قيمىلسىز (وتىرۋ, جاتۋ) جاتقان جاعدايدا اۋىرۋ ارتا تۇسەدى. اۋىرۋ, ادەتتە, العاش رەت جاس كەزىندە (20-40 جاس) پايدا بولادى.
بەحتەرەۆ اۋرۋىنا اياق بۋىندارىنىڭ (اسىرەسە ۇرشىق, تىزە بۋىندارى) زاقىمدانۋى ءتان, بۇل قيمىلدىڭ اۋىرسىنىپ شەكتەلۋى جانە ىسىنۋىمەن بايقالادى.
30% جاعدايىندا ۋۆەيت نەمەسە يريدوتسيكليت – نۇرلى قابىقشانىڭ قابىنۋى دەپ اتالاتىن كوزالمانىڭ ىشكى قابىنىڭ قابىنۋىنىڭ بەلگىلى ءبىر ءتۇرى كەزدەسەدى.
كوبىنە وكشە جانە تابان سىڭىرلەرىنىڭ وكشە سۇيەگىنە, سونداي-اق تىزە بۋىندارىنىڭ ىشكى جاعىنان جانە شىنتاق بۋىنىنىڭ سىرتقى جاعىنان بەكىتىلەتىن جەرلەرى ءجيى زاقىمدانادى.
سىرقاتتىڭ سوڭعى ساتىسىندا ارقادا بولاتىن اۋىرۋعا ومىرتقانىڭ قيمىلسىزدىعى قوسىلادى. وسى قابىنۋ پروتسەسىنىڭ ناتيجەسىندە ومىرتقانىڭ قالىپتى قيمىلداۋىنا كەدەرگى بولاتىن ومىرتقا دەنەلەرى مەن ومىرتقاارالىق بۋىندار اراسىندا سۇيەك ءبىتۋىنىڭ پايدا بولۋىمەن بايلانىستى بولادى. بۇل رەتتە اۋىرسىنۋ سيندرومى ادەتتە السىرەيدى جانە ءتىپتى تولىعىمەن توقتالادى.
بۇل كەسەل قالاي ەمدەلەدى؟ كەشەندى, ۇزاق, كەزەڭ-كەزەڭمەن ەمدەۋ (ستاتسيونار – ەمحانا – شيپاجاي) تاعايىندالادى. ول اۋىرسىنۋ سيندرومىن ازايتۋعا, قابىنۋدى تومەندەتۋگە باعىتتالعان. ەمدەۋدى ناۋقاستاردى مۇگەدەكتىلىككە اكەلەتىن اۋىر اسقىنۋلاردىڭ دامۋىن بولدىرماۋ جانە اۋرۋدىڭ بەلسەندىلىگىنە سايكەس كەلۋ ءۇشىن مەيلىنشە ەرتە باستاعان ءجون.
دارىگەرلەر سىزدە وسىنداي سيمپتومدار پايدا بولاتىن بولسا, شۇعىل تۇردە رەۆماتولوگ دارىگەرگە قارالۋ قاجەتتىگىن ەسكەرتەدى.
