ساياسات • 07 قىركۇيەك، 2020

كۇن تارتىبىندە – ەكونوميكالىق ينتەگراتسيا

6 رەت كورسەتىلدى

قازاقستان پرەمەر-ءمينيسترىنىڭ ءبىرىنشى ورىنباسارى ءاليحان سمايىلوۆ اعىمداعى جىلدىڭ 4 قىركۇيەگىندە تەلەكوپىر رەجىمىندە وتكەن ەۋرازيالىق ەكونوميكالىق كوميسسيا كەڭەسىنىڭ كەزەكتى وتىرىسىنا قاتىستى، دەپ حابارلادى ۇكىمەتتىڭ ءباسپاسوز قىزمەتى.

كەڭەس مۇشەلەرى ەۋرازيالىق ەكونو­مي­كا­لىق ينتەگراتسيانى ودان ءارى دامىتۋعا قا­تىس­تى، ونىڭ ىشىندە تەحنيكالىق رەتتەۋ، ءدارى-دارمەكتەر نارىعى، سانيتارلىق شارا­لار، حالىقارالىق ىنتىماقتاستىق سالال­ا­رىن­داعى بىرقاتار ماسەلەلەردى تالقىلادى.

وتىرىس بارىسىندا وزبەكستان رەسپۋب­لي­كاسىنا ەاەو جانىنداعى باقىلاۋشى مەملەكەت مارتەبەسىن بەرۋ تۋرالى ماسەلە قارالدى. سوڭعى شەشىم وسى جىلدىڭ سوڭىندا مەملەكەت باسشىلارىنىڭ كەزەكتى كەزدەسۋى بارىسىندا قابىلدانادى. كەڭەستىڭ وت­كەن وتىرىسىنىڭ كۇن تارتىبىندەگى ماڭىز­دى ماسەلە ەۋرازيالىق ەكونوميكالىق ينتەگرا­تسيانى دامىتۋدىڭ 2025 جىلعا دەيىنگى ستراتەگيالىق باعىتتارىنىڭ جوباسىن تال­قى­لاۋ بولدى. اعىمداعى جىلدىڭ مامىر ايىندا پرەزيدەنت ق.توقاەۆ اقىلعا قو­نىم­دى جەتكىلىكتىلىك جانە قاجەتتىلىك قاعي­داتىن ەسكەرە وتىرىپ، قۇجاتتى قوسىم­شا پى­سىق­تاۋ قاجەتتىگى تۋرالى ۇستانىمىن بىل­دىر­گەن ەدى.

وسىعان بايلانىستى قازاقستاننىڭ باس­تاماسى بويىنشا ستراتەگيا جوباسىنىڭ جەكەلەگەن ءىس-شارالارى قايتا قارالىپ، كە­لىسىلدى. مىسالى، ەلدەر قازاقستاندىق تاراپتىڭ ەۋرازيالىق ەكونوميكالىق كوميس­سيانىڭ بۇرىن ۇسىنىلعانداي مىندەتتى تۇردە ەمەس، مۇشە مەملەكەتتەردىڭ ءوز باس­تا­­ما­سى بويىنشا عانا قىزمەتتەر ساۋ­دا­سى جانە ينۆەستيتسيالار ماسەلەلەرى بويىن­شا مۇشە مەملەكەتتەردىڭ ءۇشىنشى ەل­دەرمەن ەكىجاقتى كەلىسسوزدەرىنە تارتۋ مۇم­كىندىگى تۋرالى دالەلدەرىمەن كەلىستى. سون­داي-اق، دارىلىك پرەپاراتتار ءوندىرىسىنىڭ حالىق­ارالىق ستاندارتتارعا سايكەستىگىن راستايتىن GMP ۇلتتىق سەرتيفيكاتتارىن ءوزارا تانۋ 2025 جىلعا دەيىن ۇزارتىلدى. بۇدان باسقا، «ويىنشىقتاردىڭ قاۋىپسىزدىگى تۋرا­لى» تەحنيكالىق رەگلامەنتتىڭ جەكەلەگەن ەرە­جەلەرىن ناقتىلاۋ بولىگىندە ەاەو تەحني­كالىق رەگلامەنتتەرىن ازىرلەۋ جوسپا­رىنا تۇزەتۋلەر ماقۇلداندى. ۇعىمدىق اپپا­رات، جاڭا ويىنشىقتارعا قويىلاتىن تالاپ­تار، ماگنيت اعىنىنىڭ كورسەتكىشتەرى، باعىت­تالعان ەلەكتروماگنيتتىك ءورىس دەڭ­گەيى، ۋىت­تىلىق بولىگىندە تەحنيكالىق رەگ­لا­مەنتتىڭ جە­كەلەگەن ەرەجەلەرى ناقتىلاناتىن بولادى.

دارىلىك پرەپاراتتاردىڭ بيوەكۆي­ۆا­لەنتتىلىگىنە زەرتتەۋلەر جۇرگىزۋ ەرە­جە­سىنە وزگەرىستەر بەكىتىلدى. جەكەلەگەن دارى­لىك پرەپاراتتاردىڭ، اتاپ ايتقاندا جاقپا­مايلار، گەلدەر، كرەمدەر، سونداي-اق ۇزار­تىلعان جانە كەيىنگە قالدىرىلعان دارىلەر مەن كاپسۋلالاردىڭ ءوزارا الماستىرىلۋىن راستاۋ ءۇشىن جالپى تاسىلدەر ماقۇلداندى.

سونداي-اق، مۇشە مەملەكەتتەردىڭ ۇلتتىق بانكتەرىنە ەاەو ەلدەرىنىڭ مەملەكەتتىك ساتىپ الۋلارىنا قاتىسۋ ءۇشىن بەرىلگەن بانكتىك كەپىلدىكتەردى ءوزارا تانۋ بويىنشا قاناتقاقتى جوبانى ىسكە قوسۋ مۇمكىندىگىن قاراستىرۋ ۇسىنىلدى.

كەڭەستىڭ كەزەكتى وتىرىسى الداعى 11 قىركۇيەكتە وتەدى.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار