نۇرسۇلتان نازارباەۆ اتىنداعى حالىقارالىق اۋەجايدا سانيتارلىق شارالار كۇشەيتىلدى. پروفيلاكتيكالىق جۇمىستار كۇن سايىن جۇرگىزىلەدى. ءار ءۇش ساعات سايىن اۋەجاي اۋماعى, قىزمەتتىك ءۇي-جايلار, ارنايى قۇرالدار, سونداي-اق ادامدار كوپ شوعىرلانعان جەرلەردە دەزينفەكتسيا جاسالادى.
ء"بىز تەرمينالداردىڭ بارلىق كىرەبەرىس توپتارىنا 15 تەرموكامەرا ورناتتىق, جەكە قورعانىس قۇرالدارى, ماسكالار, قولعاپتار ساتىپ الدىق. انتيسەپتيكتەر اۋەجايدىڭ بارلىق تەرمينالىندا جانە اكىمشىلىك عيماراتىندا بار. جولاۋشىلار جينالاتىن جەرلەردە اراقاشىقتىق ساقتاۋ بەلگىلەرى, ورىندىقتارعا لەنتالار جاپسىرىلدى", - دەدى "نۇرسۇلتان نازارباەۆ حالىقارالىق اۋەجايى" اق باسقارما توراعاسىنىڭ ورىنباسارى ارنابول باقىت.
بارلىق اۋەجاي قىزمەتكەرلەرى جەكە قورعانىس قۇرالدارىمەن قامتاماسىز ەتىلگەن. ول ءۇشىن 14 مىڭ جەكە قورعانىس قۇرالدارى, 122 مىڭ مەديتسينالىق قولعاپ, 400 مىڭنان استام ماسكا ساتىپ الىندى. قىزمەتكەرلەردى اۋىسىم الدىنداعى جانە اۋىسىمنان كەيىنگى مەديتسينالىق تەكسەرۋلەر كۇن سايىن جۇزەگە اسىرىلادى. ەگەر ولاردان جوعارى تەمپەراتۋرا نەمەسە باسقا بەلگىلەر بايقالسا, ولار جۇمىسقا شىعارىلمايدى.
قازىرگى ۋاقىتتا اۋەجاي ىشكى جانە بىرقاتار حالىقارالىق رەيستەردى قابىلدايدى. كومپانيا جولاۋشىلارعا سانيتارلىق نورمالاردى قاتاڭ ساقتاۋ, ماسكا تاعۋ, سانيتايزەر قولدانۋ جانە اراقاشىقتىق ساقتاۋ كەرەكتىگىن ەسكەرتەدى.
