قوعام • 04 قىركۇيەك، 2020

يدم-دە سىبايلاس جەمقورلىققا قارسى كۇرەس بويىنشا كەڭەس ءوتتى

10 رەت كورسەتىلدى

يدم-دە "ادالدىق الاڭى" جوبالىق كەڭسەسىنىڭ قىزمەتى شەڭبەرىندە سىبايلاس جەمقورلىققا قارسى ءىس-قيمىل ماسەلەلەرى بويىنشا كەڭەس وتكىزىلدى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

سىبايلاس جەمقورلىققا قارسى ءىس-قيمىل بويىنشا جۇرگىزىلىپ جاتقان جۇمىستار تۋرالى "ادالدىق الاڭى" جوبالىق كەڭسەسىنىڭ باسشىسى، كوميتەت توراعالارى مەن سالالىق دەپارتامەنتتەردىڭ ديرەكتورلارى تىڭدادى.

قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى ستراتەگياسىن ىسكە اسىرۋ جونىندەگى ءىس-شارالار جوسپارىن ورىنداۋ بويىنشا ناقتى باعىتتار بەلگىلەندى، ونىڭ ىشىندە جوبالاۋ وفيسىنە اعىمداعى جىلى اۆتوموبيل جولدارى جانە كولىك كوميتەتتەرىنىڭ قىزمەتىندەگى سىبايلاس جەمقورلىق تاۋەكەلىنە ىشكى تالداۋ جۇرگىزۋ تاپسىرىلدى. ولاردىڭ ناتيجەلەرى بويىنشا قوعام، سىبايلاس جەمقورلىققا قارسى قىزمەت، سونداي-اق مۇددەلى مەملەكەتتىك ورگاندار مەن ۇيىمدار وكىلدەرىنىڭ قاتىسۋىمەن كوميتەتتەر بازاسىندا قوعامدىق تالقىلاۋدى ۇيىمداستىرۋ جوسپارلانۋدا.

جوبا كەڭسەسى قوعامدىق الاڭ رەتىندە سىبايلاس جەمقورلىق تاۋەكەلىن تومەندەتۋ جانە نارىقتا ادال باسەكەلەستىكتى قۇرۋ بويىنشا بالامالى كۇن ءتارتىبىن قالىپتاستىراتىن مينيسترلىكتىڭ 7 سالاسى بويىنشا ساراپتامالىق كەڭەستى تانىستىردى.

بيۋدجەت قاراجاتىنىڭ جۇمسالۋى، مينيسترلىكتىڭ جانە مينيسترلىكتىڭ سايتىندا سىبايلاس جەمقورلىققا قارسى ءىس-قيمىل سالاسىنداعى جوبالىق كەڭسەنىڭ قىزمەتى جانە الەۋمەتتىك جەلىلەردەگى رەسمي بەتتەر تۋرالى اقپاراتتىڭ قولجەتىمدىلىگىن قامتاماسىز ەتۋ، كەيبىر قۇرىلىمدىق بولىمشەلەردىڭ جۇمىسىن "Open space" فورماتىنا كوشىرۋ جانە سەرۆيستىك ورتالىقتار مەن فرونت-وفيستەر اشۋ ماسەلەلەرى قارالدى.

سوڭعى جاڭالىقتار

ۇقساس جاڭالىقتار