ال بيىل 13 سۋ نىسانىنىڭ 7-ۋىندە تەمىر-بەتونمەن قاپتاۋ جۇمىستارى جۇرگىزىلىپ, جالپى ۇزىندىعى 69,1 شاقىرىم بولاتىن "ق ۇلىي", "تانتا", "قىزىل", "بوز", "ۇزىن", "بەسقاسقا", "بالا قۇلان" ماگيسترالدى كانالدارى 5064 گەكتار اۋىل شارۋاشىلىعى باعىتىنداعى جەردى اعىندى سۋمەن قامتىماق. كۇردەلى جوندەۋ ءجۇرىپ جاتقان سۋ نىساندارىن ارالاعان اۋدان اكىمى ن.بايعۇت مەردىگەر مەكەمە وكىلدەرىنە قۇرىلىستى قارقىنداتۋ ماقساتىندا جۇمىسشىلار سانىن كوبەيتىپ, ارنايى كەستە قۇرۋدى تاپسىردى.
سونىمەن قاتار جۇمىستىڭ ساپالى بولۋىن قاداعالاۋ ماقساتىندا كانال قابىرعالارىن بەكىتۋگە قويىپ جاتقان تەمىر-بەتونداردىڭ لابوراتوريالىق سىناماسىن الىپ تۇرۋ قاجەتتىگىن ەسكەرتتى. ماماندار تەمىر-بەتون ينجەنەرلىك-قۇرىلعىلاردان جاسالعان سۋ نىساندارى اۋدان تۇرعىندارىنا كەمىندە 25 جىل قىزمەت ەتەتىنىن ايتۋدا.
