ء"سىزدى جانە ءسىز باسقارىپ وتىرعان جوو-نىڭ پروفەسسور-وقىتۋشىلار قۇرامىن, وفيتسەرلەرىن, كۋرسانتتارى مەن ارداگەرلەرىن 50 جىلدىق مەرەيتويىمەن قۇتتىقتايمىن.
وسى جىلدار ىشىندە اسكەري ينستيتۋت ەلىمىزدىڭ مىڭداعان ادال ۇلدارىن تاربيەلەپ, وفيتسەر كادرلار دايارلاۋ ۇستاحاناسىنا اينالدى. اسكەري ينستيتۋت تۇلەكتەرى ينتەرناتسيونالدىق بورىشتارىن ورىنداۋ كەزىندە, جەرگىلىكتى سوعىستار مەن قارۋلى جانجالداردا, سوڭعى ونجىلدىقتارداعى بىتىمگەرشىلىك ميسسيالاردا ەرلىكپەن جانە باتىرلىقتىڭ ەرەكشە ۇلگىسىن كورسەتىپ, قازاقستان قارۋلى كۇشتەرىنىڭ قۇرىلۋى مەن قالىپتاسۋىنا قوماقتى ۇلەستەرىن قوسۋدا.
ينستيتۋت تۇلەكتەرى ەلىمىزدىڭ قارۋلى كۇشتەرىندە, باسقا دا اسكەرلەرى مەن اسكەري قۇرالىمدارىندا عانا ەمەس, سونىمەن قاتار تمد ەلدەرىندە دە قىزمەت ەتىپ, اعا بۋىننىڭ داڭقتى جاۋىنگەرلىك داستۇرلەرىن جالعاستىرا وتىرىپ, ەلدەر اراسىنداعى حالىقارالىق اسكەري ىنتىماقتاستىقتى نىعايتۋدا جانە جەتىلدىرۋدە.
الداعى ۋاقىتتا دا سىزدەردىڭ قارۋلى كۇشتەردىڭ داستۇرلەرىنە ادال بولىپ, ەلىمىزدىڭ قورعانىس قابىلەتىن دامىتۋ ىسىنە ەلەۋلى ۇلەس قوساتىندارىڭىزعا سەنىم بىلدىرەمىن.
بارشاڭىزعا زور دەنساۋلىق, باقىت, بەيبىتشىلىك, باق-بەرەكە جانە وتانىمىز – قازاقستان رەسپۋبليكاسىنىڭ يگىلىگى جولىنداعى ىستەرىڭىزگە تابىس تىلەيمىن", دەلىنگەن حابارلامادا.
