"قانداستار - تاريحي وتانىندا تۇراقتى تۇرۋ ماقساتىندا قازاقستان رەسپۋبليكاسىنا كەلگەن جانە وسى زاڭدا بەلگىلەنگەن تارتىپپەن ءتيىستى مارتەبە العان, قازاقستان رەسپۋبليكاسى ەگەمەندىك العان كەزدە ودان تىس جەردە تۇراقتى تۇرعان ەتنيكالىق قازاقتار", - دەلىنگەن بۇيرىقتا.
قازاقستان اۋماعىندا زاڭدى نەگىزدە تۇراقتى تۇراتىن قانداستاردىڭ, سونداي-اق ولاردىڭ ۇرپاقتارىن جەڭىلدەتىلگەن (تىركەۋ) تارتىپپەن ازاماتتىق الۋ ءۇشىن وبلىستاردىڭ, رەسپۋبليكالىق ماڭىزى بار قالالاردىڭ جانە وبلىستىڭ پوليتسيا دەپارتامەنتى باسشىسىنىڭ اتىنا ءوتىنىش ء(وتىنىش) بەرۋى كەرەك ەكەنى ايتىلادى.
تۇراقتى تىركەۋى جوق قانداستار تۇراقتى تۇرۋعا جانە قازاقستان ازاماتتىعىن وڭايلاتىلعان (تىركەۋ) تارتىپپەن قابىلداۋعا رۇقسات الۋ ءۇشىن پوليتسيا دەپارتامەنتى باسشىسىنىڭ اتىنا جانە ازاماتتىق ماسەلەلەر بويىنشا شەشىم قابىلدايتىن ەملەكەتتىڭ لاۋازىمدى ادامىنا شەتەل ازاماتتىعىنان نوتاريالدى كۋالاندىرىلعان جازباشا باس تارتۋىمەن ءوتىنىش بەرە الادى.
بۇيرىقتا 18-تارماقتىڭ ون ءبىرىنشى ابزاتسى مىناداي رەداكتسيادا جازىلسىن دەلىنگەن:
"قازاقستان رەسپۋبليكاسىنا تاريحي وتانى رەتىندە تۇراقتى تۇرۋعا قايتىپ كەلگەن ادامدار – قانداستىڭ كۋالىگىن جانە كەلگەن مەملەكەتتىڭ ازاماتتىق ماسەلەلەرى بويىنشا شەشىم قابىلدايتىن لاۋازىمدى ادامنىڭ اتىنا بۇرىنعى ازاماتتىعىنان باس تارتقانى تۋرالى نوتاريالدى كۋالاندىرىلعان ءوتىنىشىن ۇسىنادى".
ءوتىنىش بەرگەن كەزدە مىنا قۇجاتتار قاجەت بولادى:
- 1) تۇراقتى تۇرۋعا رۇقسات بەرۋگە جانە قازاقستان رەسپۋبليكاسىنىڭ ازاماتتىعىنا قابىلداۋدى تىركەۋگە ءوتىنىش-ساۋالناما;
- 2) بۇرىنعى ازاماتتىعىنان باس تارتۋ تۋرالى نوتاريالدى كۋالاندىرىلعان ءوتىنىش;
- 3) رەسپۋبليكانىڭ كونستيتۋتسياسى مەن زاڭدارىن ساقتاۋ تۋرالى مىندەتتەمە, رەسپۋبليكانىڭ مۇددەلەرىن, ونىڭ اۋماقتىق تۇتاستىعىن قورعاۋ, ونىڭ اۋماعىندا تۇراتىن بارلىق ۇلت وكىلدەرىنىڭ سالت-داستۇرلەرىنە, داستۇرلەرىنە, مەملەكەتتىك تىلىنە جانە تىلدەرىنە قۇرمەتپەن قاراۋ, قازاقستاننىڭ قۇدىرەتىن, ەگەمەندىگى مەن تاۋەلسىزدىگىن نىعايتۋعا ىقپال ەتۋ مىندەتتەمەسى;
- 4) ۇلتتىق پاسپورتتىڭ كوشىرمەسى جانە تۇپنۇسقاسى (سالىستىرۋ ءۇشىن) نە ازاماتتىعى جوق ادامنىڭ قۇجاتى;
- 5) بىرگە ءوتىنىش بەرگەن كەزدە 16 جاسقا تولماعان بالانىڭ تۋ تۋرالى كۋالىگىنىڭ نەمەسە جەكە باسىن كۋالاندىراتىن باسقا قۇجاتتىڭ كوشىرمەسى جانە تۇپنۇسقاسى (سالىستىرۋ ءۇشىن) ;
- 6) قازاق نەمەسە ورىس تىلىندەگى جەكە ءومىربايانى;
- 7) ەگەر حالىقارالىق شارتتاردا وزگەشە كوزدەلمەسە, كەتۋ پاراعى نە شەتەلگە تۇراقتى تۇرۋعا كەتۋگە رۇقساتتى راستايتىن باسقا دا قۇجات رەتىندە قىزمەت ەتە الاتىن ونىڭ ازاماتتىعى مەملەكەتىنىڭ جازباشا كەلىسىمى (بوسقىندار دەپ تانىلعان نەمەسە قازاقستان رەسپۋبليكاسىندا پانا بەرىلگەن شەتەلدىكتەر مەن ازاماتتىعى جوق ادامداردى جانە قىتايدان كەلگەن ەتنيكالىق قازاقتاردى قوسپاعاندا);
- 8) ءتيىستى مەملەكەتتىڭ قۇزىرەتتى ورگانى بەرگەن ازاماتتىق تيەسىلىلىك جانە نەمەسە تۇراقتى تۇرۋ مەملەكەتىندە سوتتىلىعى (سوتتى بولماۋى) تۋرالى قۇجات;
- 9) ءوتىنىش بەرۋشىگە تۇرعىن ءۇي بەرۋ جانە تۇراقتى تىركەۋ ەسەبىنە قويۋ تۋرالى نوتاريالدى كۋالاندىرىلعان شارت نە جەكە نەمەسە زاڭدى تۇلعامەن نوتاريالدى كۋالاندىرىلعان كەلىسىم;
- 10) شەتەلدىكتەرگە جانە ازاماتتىعى جوق ادامدارعا قازاقستان رەسپۋبليكاسىنا كەلۋىنە تىيىم سالاتىن اۋرۋلاردىڭ بولماۋى تۋرالى شەتەلدىكتى مەديتسينالىق كۋالاندىرۋ تۋرالى انىقتاما;
- 11) 14 جاستان 18 جاسقا دەيىنگى كامەلەتكە تولماعاندار اتا-انالارىنىڭ وتىنىشىنە نوتاريالدى كۋالاندىرىلعان جازباشا كەلىسىمىن قوسا بەرەدى;
- 12)كولەمى 35ح45 ميلليمەتر ءتورت فوتوسۋرەت.
ەستەرىڭىزگە سالا كەتەيىك, 2019 جىلدىڭ 19 قىركۇيەگىندە مەملەكەت باسشىسى قاسىم-جومارت توقاەۆ Twitter-پاراقشاسىندا ورالمان سوزىنە قاتىستى پىكىر ءبىلدىرىپ, "تاريحي وتانىنا كەلگەن قازاقتاردى "ورالمان" دەپ اتاۋدان باس تارتىپ, "قانداس" دەگەنىمىز ءجون بولادى", دەپ جازعان ەدى.
