قازاقستان • 03 قىركۇيەك، 2020

"بيزنەستىڭ جول كارتاسى – 2025" شەڭبەرىندە گرانت الۋعا وتىنىمدەر قابىلداۋ باستالدى

87 رەت كورسەتىلدى

الماتى قالاسى كاسىپكەرلىك جانە ينۆەستيتسيالار باسقارماسى "بيزنەستىڭ جول كارتاسى-2025" بيزنەستى قولداۋ مەن دامىتۋدىڭ مەملەكەتتىك باعدارلاماسىن ىسكە اسىرۋ شەڭبەرىندە گرانتتىق قارجىلاندىرۋدىڭ اشىق كونكۋرسىنىڭ ەكىنشى كەزەڭى بويىنشا قۇجاتتار قابىلداۋدىڭ باستالعانى تۋرالى حابارلادى، دەپ حابارلايدى Egemen.kz.

سوماسى 2 ملن. تەڭگەدەن 5 ملن. تەڭگەگە دەيىنگى گرانتتار ەكونوميكانىڭ باسىم سەكتورلارىنداعى شاعىن كاسىپكەرلىك سۋبەكتىلەرىنە وتەۋسىز نەگىزدە بەرىلەدى جانە ول start-up جوبالاردى، يننوۆاتسيالاردى جانە جاڭا بيزنەس-يدەيالاردى دامىتۋعا ارنالعان. بۇل ماقساتقا بيۋدجەتتەن 100 ملن. تەڭگە ءبولىندى.

وتىنىمدەردى قاراۋ كەزىندەگى نەگىزگى سىنباعالار: بيزنەس-يدەيالاردىڭ جاڭاشىلدىعى (تالاپ حالىقتىڭ الەۋمەتتىك وسال توپتارى ءۇشىن مىندەتتى بولىپ تابىلمايدى); بيزنەس-جوبانىڭ باسەكەگە قابىلەتتىلىگى (نارىقتىق قاجەتتىلىكتى پىسىقتاۋ – ماركەتينگتىك تالداۋ) جانە ەنگىزۋگە دايىندىق ء(وندىرىستى ۇيىمداستىرۋ ماسەلەسىن پىسىقتاۋ، جوبانى ورنالاستىرۋ ءۇشىن ءۇي-جايدىڭ، وتكىزۋ نارىعىنىڭ بولۋى، ءوندىرىستى ىسكە قوسۋ ءۇشىن جوبانىڭ دايىندىق دەڭگەيى) بولىپ تابىلادى.

كونكۋرسقا قاتىسۋ ءۇشىن ۇمىتكەرلەر بەكىتىلگەن نىسان بويىنشا ءوتىنىم جانە كونكۋرستىق قۇجاتتامانىڭ تولىق توپتاماسىن (قوسىمشا) ۇسىنۋى قاجەت. قۇجاتتاردى قاعاز نەمەسە ەلەكتروندىق نۇسقادا بەرۋگە بولادى.

ەلەكتروندىق وتىنىمدەر كەلەسى سىلتەمە بويىنشا بەرىلەدى: (https://dkb.qoldau.kz/ru/dkb/grants/dkb-registries/grants-applications).

قاعاز تۇرىندەگى قۇجاتتاردى قابىلداۋدى الماتى قالاسى كاسىپكەرلىك جانە ينۆەستيتسيالار باسقارماسى الماتى قالاسى، بايزاقوۆ كوشەسى، 303،                 1 قابات مەكەنجايى بويىنشا جۇزەگە اسىرادى.

كونكۋرستىق قۇجاتتامانى ۇسىنۋ مەرزىمى – 2020 جىلعى 21 قىركۇيەكتەن     2 قازاندى قوسا العانعا دەيىن، جۇمىس كۇندەرى ساعات 10.00-دەن 17.00-گە دەيىن (جەرگىلىكتى ۋاقىتپەن).

كونكۋرس قاتىسۋشىلارى كەلەسى مەكەن-جايلاردان كەڭەس الۋىنا بولادى:

  • الماتى قالاسى كاسىپكەرلىك جانە ينۆەستيتسيالار باسقارماسى، مەكەنجايى: الماتى قالاسى، بايزاقوۆ كوشەسى، 303، 3 قابات، 314 بولمە، تەل.: +7 (727) 390-20-85، + 7 (727) 390-20-88;
  • "Qoldau" كاسىپكەرلىك ورتالىعى"، مەكەنجايى: الماتى قالاسى، بايزاقوۆ كوشەسى، 303، 2 قابات، جەدەل جەلى تەلەفوندارى (جۇمىس كۇندەرى، ساعات 09:00-دەن 18:00-گە دەيىن): +7 775 882 5312; +7 775 882 5416; +7 775 882 5539; +7 775 882 5546;
  • "اتامەكەن" ۇكپ، مەكەنجايى: الماتى قالاسى، جىبەك-جولى داڭعىلى، 135، 8 قابات، 2 بلوك، تەل.: +7 (727) 331-01-33، Call-centre 1432.

سونىمەن قاتار، قاتىسۋشىلارعا كەلەسى قۇجاتتارى:

1) "اتامەكەن" ۇكپ-دا "بيزنەس مەكتەپ"، "Bastau Business"، "بيزنەس-كەڭەسشى"، "جاس كاسىپكەر" كۋرستارىنان وتكەنى تۋرالى سەرتيفيكاتتارىنىڭ ءبىرى;

2) زاڭدى تۇلعانى نەمەسە جەكە كاسىپكەردى مەملەكەتتىك تىركەۋ تۋرالى كۋالىگى بولعان جاعدايدا، بيزنەس-جوسپار ازىرلەۋدە كومەك كورسەتىلەدى.

كونكۋرسقا قاتىسۋ ءۇشىن قاجەتتى قۇجاتتار تىزبەسى:

جاڭا بيزنەس-يدەيالاردى ىسكە اسىرۋ ءۇشىن مەملەكەتتىك گرانتتار الۋعا ۇمىتكەر كاسىپكەرلەر باعدارلامانىڭ وڭىرلىك ۇيلەستىرۋشىسىنە جۇگىنەدى جانە كەلەسى قۇجاتتاردى ۇسىنادى:

1) ءوتىنىش بەرۋشىنىڭ جەكە باسىن كۋالاندىراتىن قۇجاتتىڭ كوشىرمەسى;;

2) باعدارلامانىڭ وڭىرلىك ۇيلەستىرۋشىسىنىڭ ۆەب-پورتالىندا ورنالاستىرىلاتىن مەملەكەتتىك گرانتتار بەرۋ قاعيداسىنىڭ  2 قوسىمشاسىنا سايكەس نىسان بويىنشا مەملەكەتتىك گرانتتار بەرۋ جونىندەگى كونكۋرستىق ىرىكتەۋگە قاتىسۋعا بەرىلەتىن ءوتىنىم;

3) زاڭدى تۇلعانى مەملەكەتتىك تىركەۋ تۋرالى كۋالىگىنىڭ كوشىرمەسى/جەكە كاسىپكەردى تىركەۋ تۋرالى حابارلاما;

4) ءوتىنىش بەرگەن كۇنگە دەيىن 30 كۇنتىزبەلىك كۇننەن كەشىكتىرمەي بەرىلگەن بيۋدجەتكە تولەنەتىن مىندەتتى تولەمدەر بويىنشا بەرەشەگىنىڭ جوعى تۋرالى انىقتاما;

5) ءوتىنىم بەرۋ ساتىندەگى جالدامالى قىزمەتكەرلەردىڭ ورتاشا سانى تۋرالى باسشىنىڭ قولىمەن جانە ءوتىنىش بەرۋشىنىڭ مورىمەن راستالعان انىقتاما (بار بولعان جاعدايدا);

6) مەملەكەتتىك گرانتتار بەرۋ قاعيداسىنىڭ 3 قوسىمشاسىنا سايكەس نىسان بويىنشا بيزنەس-جوسپار تۇرىندە دايىندالعان بيزنەس-جوبا;

7) باعدارلاما جانە (نەمەسە) قازاقستان رەسپۋبليكاسى ۇكىمەتىنىڭ 2018 جىلعى 13 قاراشاداعى № 746 قاۋلىسىمەن بەكىتىلگەن ناتيجەلى جۇمىسپەن قامتۋدىڭ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان "ەڭبەك" باعدارلاماسى شەڭبەرىندە كاسىپكەردىڭ وقۋدان وتكەنىن راستايتىن، ەسكىرۋ مەرزىمى 2 (ەكى) جىلدان اسپايتىن قۇجاتتىڭ كوشىرمەسى;

8) ۇسىنىلاتىن مەملەكەتتىك گرانت كولەمىنىڭ كەمىندە 10%-ى مولشەرىندە بيزنەس-جوبانى ىسكە اسىرۋعا ارنالعان شىعىنداردى قوسا قارجىلاندىرۋدىڭ (اقشا قاراجاتىمەن، بيزنەس-جوباعا قاتىساتىن جىلجىمالى/جىلجىمايتىن م ۇلىكپەن) بارىن راستايتىن قۇجاتتار، كاسىپكەردىڭ اعىمداعى شوتىندا اقشا قاراجاتىنىڭ بارى تۋرالى بانكتىك شوتتان ءۇزىندى كوشىرمە نەمەسە بيزنەس-جوباعا قاتىساتىن جىلجىمالى جانە/نەمەسە جىلجىمايتىن م ۇلىكتىڭ باعالاۋ قۇنىن راستايتىن قۇجاتتار (حالىقتىڭ الەۋمەتتىك وسال توپتارىن قوسپاعاندا);

9) ءوتىنىش بەرۋشىدە حالىقتىڭ الەۋمەتتىك وسال توپتارىنا جاتاتىن مارتەبەسىنىڭ بارىن راستايتىن قۇجات.

 

 

سوڭعى جاڭالىقتار

ۇقساس جاڭالىقتار