وبلىستىق تۋريزم جانە سپورت باسقارماسىندا حابارلاعانداي, سپورتتىق ينفراقۇرىلىمداعى جوندەۋ جۇمىستارىنىڭ ساپاسىن قاداعالايتىن ارنايى توپ ورتالىق ستاديونداعى رەتكە كەلتىرۋ جۇمىستارىمەن تانىستى.
"جۇمىسپەن قامتۋدىڭ جول كارتاسى 2020» باعدارلاماسى اياسىندا فۋتبول الاڭى مەن جارىس جولىن كۇردەلى جوندەۋ جۇمىستارى اياقتالدى. بارلىق جۇمىستاردى "تسيتادەل" جشس اتقاردى", - دەپ حابارلادى تۋريزم جانە سپورت باسقارماسىنان.
جارىس جولىن جاڭارتۋدىڭ ارقاسىندا پاۆلوداردا جەڭىل اتلەتيكادان قازاقستان چەمپيوناتىن وتكىزۋ مۇمكىندىگى تۋدى. جوبا قۇنى - 138 ملن تەڭگە.
سوڭعى رەت 2014 جىلى اۋىستىرىلعان فۋتبول الاڭى بولسا, بيىل 168 ملن تەڭگەگە جاڭارتىلدى. 105ح68 مەترلىك جاساندى كوگالدا كاسىبي فۋتبولشىلارمەن قاتار, بالعىن سپورتشىلار دا شەبەرلىگىن شىڭداي الادى.
ايتا كەتەيىك, "جۇمىسپەن قامتۋدىڭ جول كارتاسى – 2020" باعدارلاماسى بويىنشا "استانا" مۇز سارايىنىڭ شاتىرى مەن 10 كۆت كابەلى تولىعىمەن اۋىستىرىلدى. مۇنداعى جۇمىستاردىڭ قۇنى 200 ملن تەڭگە شاماسىندا بولدى.
پاۆلوداردىڭ سپورت نىساندارىن جوندەۋ كەزىندە بيىل جۇمىسپەن قامتۋ ورتالىعى ارقىلى 100 ادام تابىس كوزىمەن قامتىلدى.
