ابدۋاحيت عاريبجان ۇلى 1979 جىلى اتىراۋ وبلىسىندا دۇنيەگە كەلگەن. ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنەن اعىلشىن ءتىلى مۇعالىمى ماماندىعىن العان. سونداي-اق اتىراۋ مۇناي-گاز ۋنيۆەرسيتەتىن ينجەنەر-مەحانيك باكالاۆرى جانە گەولوگيا ماگيسترى, ماسكەۋ ۋنيۆەرسيتەتىن اكىمشىلىك ءىس-جۇرگىزۋ شەبەرى دارەجەسىمەن بىتىرگەن. تەحنيكا عىلىمدارىنىڭ دوكتورى. ۇلىبريتانيا, گەرمانيا ەلدەرىندە بىلىكتىلىگىن ارتتىردى.
ەڭبەك جولىن 1999 جىلى اتىراۋ قالاسىنداعى №3 ورتا مەكتەپتىڭ اعىلشىن ءتىلى مۇعالىمى بولىپ باستادى. ودان كەيىن 2000 جىلى «اتىراۋمۇنايگازگەولوگيا» اق اۋدارماشىسى, 2000-2001 جىلدارى «وتو-پروم» جشس-ءنىڭ اۋدارماشىسى, 2002-2005 جىلدارى «التيەس پەترولەۋم ينتەرنەشنل ب.ۆ.» كومپانياسىنىڭ اتىراۋ وبلىستىق فيليالىنىڭ ءوندىرىس جونىندەگى ينجەنەرى جانە اۋدارماشىسى, 2005-2007 جىلدارى «التيەس پەترولەۋم ينتەرنەشنل ب.ۆ.» كومپانياسىنىڭ اقتوبە وبلىسى فيليالىنىڭ ءوندىرىس جونىندەگى ينجەنەرى بولعان.
ال, 2008-2011 جىلدارى شەتەلدىك «فەلكون ويل ەند گەس لتد» كومپانياسىنىڭ باس ديرەكتورى, 2012 جىلى «التيەس پەترولەۋم ينتەرنەشنل ب.ۆ.» جانە «فيرما ادا ويل» كومپانيالارىنىڭ ايماقتىق ديرەكتورى, 2015 جىلى «مۇناي ءوندىرىسى جانە بۇرعىلاۋ تەحنولوگياسى عىلىمي-زەرتتەۋ» ينستيتۋتىنىڭ مۇناي جانە گاز ءوندىرۋ ءىسى بويىنشا باسقارۋشى ديرەكتورى لاۋازىمىن اتقاردى.
2016-2017 جىلدارى «ۋريحتاۋ وپەرەيتينگ» جشس باس ديرەكتورىنىڭ ءوندىرىس ءىسى جونىندەگى ءبىرىنشى ورىنباسارى, 2017-2019 جىلدارى «ۋريحتاۋ وپەرەيتينگ» جشس-ءنىڭ باس ديرەكتورى بولىپ جۇمىس ىستەدى. 2019 جىلدان وسى تاعايىنداۋعا دەيىن «Shagyrai Oil Service» جشس باس ديرەكتورىنىڭ ەكونوميكا-قارجى جانە جالپى ماسەلەلەر جونىندەگى ورىنباسارى قىزمەتىن اتقارىپ كەلدى.
