«جۇقپالى اۋرۋلار اۋرۋحاناسىندا جۇمىس ىستەۋگە جەرگىلىكتى مەديتسينا قىزمەتكەرلەرى قايتا وقىتۋ ارقىلى تارتىلادى. بۇل 200 ورىنعا ەسەپتەلگەن. جاڭا نىساننىڭ قۇرىلىسىن «نورت كاسپيان وپەرەيتينگ كومپاني ن.ۆ.» كومپانياسىنىڭ تاپسىرىسىمەن «BI Industrial» كومپانياسى جۇرگىزىپ جاتىر. اۋرۋحانا عيماراتى جىلدام قۇراستىرىلاتىن ءمودۋلدى بلوكتاردان تۇرعىزىلۋدا. مەديتسينا قىزمەتكەرلەرى مەن ەم الۋشىلاردىڭ قاۋىپسىزدىگىن قامتاماسىز ەتەتىن زاماناۋي دياگنوستيكالىق جانە ناۋقاستاردى ەمدەۋگە ارنالعان قۇرالدارمەن جابدىقتالادى. مەديتسينالىق نىساندا ەكى ورىندىق 56 پالاتا, ءۇش ورىندىق 16 پالاتا, ءبىر ورىندىق 6 جانە ەكى ورىندى 7 بوكستار اۋلاعا شىعاتىن ارنايى ەسىگىمەن سالىنۋدا. سونداي-اق, قارقىندى تەراپيا بولىمىندە 20 كەرۋەت, ال قابىلداۋ-دياگنوستيكالىق بولىمىندە بەس بوكس جاساقتالادى» -دەدى اسحان بايدۋۆاليەۆ.
