ۇلتتىق ەكونوميكا ءمينيسترى ر. دالەنوۆ, ۇلتتىق بانك توراعاسى ە. دوساەۆ, قارجى نارىعىن رەتتەۋ جانە دامىتۋ اگەنتتىگىنىڭ توراعاسى م. ابىلقاسىموۆا, قارجى ءمينيسترى ە. جاماۋباەۆ, اۋىل شارۋاشىلىعى ءمينيسترى س. وماروۆ, يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, ەنەرگەتيكا ءمينيسترى ن. نوعاەۆ, ىشكى ىستەر ءمينيسترى ە. تۇرعىمباەۆ, ەكولوگيا, گەولوگيا جانە تابيعي رەسۋرستار ءمينيسترى م. مىرزاعاليەۆ, ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ, دەنساۋلىق ساقتاۋ ءمينيسترى ا. تسوي, ءبىلىم جانە عىلىم ءمينيسترى ا. ايماعامبەتوۆ, سونداي-اق تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترىنىڭ مىندەتىن اتقارۋشى ب. مۋسين بايانداما جاسادى.
«جولداۋدا العا قويىلعان مىندەتتەردى ورىنداۋ ەكونوميكانىڭ ورنىقتىلىعى مەن باسەكەگە قابىلەتتىلىگىن ارتتىرۋ فاكتورىنا اينالادى. مەملەكەت باسشىسى جاڭا جاعدايعا سايكەس كەلەتىن مەملەكەتتىك جانە ەكونوميكالىق ساياساتتى ۋاقىتىلى ازىرلەۋ بويىنشا ناقتى ءىس-قيمىل جوسپارىن بەلگىلەدى», — دەدى ا. مامين.
پرەمەر-مينيستر حالىقتىڭ ءال-اۋقاتىن جاقسارتۋ ءۇشىن ەكونوميكانى ودان ءارى دامىتۋ بويىنشا ۇلكەن مىندەتتەر جۇكتەلگەنىن اتاپ ءوتتى. جولداۋداعى تاپسىرمالاردى ورىنداۋ باسەكەگە قابىلەتتى ناقتى سەكتوردى بەلسەندى دامىتۋدى جانە ەكسپورت قۇرىلىمىن ءارتاراپتاندىرۋدى قامتاماسىز ەتەدى.
سونداي-اق جولداۋدى ىسكە اسىرۋ ستراتەگيالىق ماڭىزدى سالالاردى مەملەكەتتىك قولداۋ شارالارىن كەڭەيتۋگە ىقپال ەتەدى. قازاقستاندىق ۇلەستى ارتتىرۋ بويىنشا جاڭا ۇسىنىستار دايىنداپ, اگروونەركاسىپتىك كەشەندى دامىتۋدىڭ جاڭا باعدارلاماسىن ازىرلەۋ قاجەت. ۇكىمەت باسشىسى بيۋدجەتتىك جوسپارلاۋدىڭ جاڭا جۇيەسى ۇلتتىق باسىمدىقتاردى قامتاماسىز ەتىپ, جوسپارلاۋ جۇيەسىنىڭ ءبىر بولىگىنە اينالۋى ءتيىس ەكەنىن اتاپ ءوتتى. سونىمەن قاتار بيۋدجەتتەن تىس قورلاردى ەسكەرە وتىرىپ, «كەڭەيتىلگەن بيۋدجەتتى» ەنگىزۋ كەرەك. تىكەلەي جانە پورتفەلدىك ينۆەستيتسيالاردى تارتۋ, وتاندىق تاۋارلار مەن قىزمەتتەردىڭ ەكسپورتىن ىلگەرىلەتۋ ماقساتىندا «استانا» حالىقارالىق قارجى ورتالىعىنىڭ الاڭى پايدالانىلادى.
«جولداۋدىڭ باستى ماقساتى – تۇرعىن ءۇيدىڭ قولجەتىمدىلىگىنە, قولايلى وتباسىلىق-دەموگرافيالىق جاعدايلارعا, جاقسى ەكولوگياعا, قولجەتىمدى ءارى ساپالى بىلىمگە, سونداي-اق دەنساۋلىق ساقتاۋ جۇيەسىنە نەگىزدەلگەن ازاماتتاردىڭ الەۋمەتتىك ءال-اۋقاتىنا باعىتتالعان», — دەدى ا. مامين.
پرەمەر-مينيستر مەملەكەت باسشىسىنىڭ جولداۋى مەملەكەتتىك باسقارۋدىڭ جاڭا مودەلىن قالىپتاستىرۋعا, كادر ساياساتىن, شەشىم قابىلداۋ جانە ولاردىڭ ورىندالۋى ءۇشىن جاۋاپكەرشىلىك جۇيەسىن قايتا قاراۋعا باعىتتالعانىن اتاپ ءوتتى. حالىقتىڭ ءال-اۋقاتىن ارتتىرۋ ءۇشىن ەكونوميكانى ودان ءارى دامىتۋ بويىنشا ۇلكەن مىندەتتەر قويىلدى. مەملەكەت باسشىسى جولداۋىنىڭ بارلىق باعىتتارىن ىسكە اسىرۋ بويىنشا بيىلعى 7 قىركۇيەككە دەيىن جالپىۇلتتىق جوسپار ازىرلەنىپ, پرەزيدەنتتىڭ بەكىتۋىنە ەنگىزىلەدى. ۇكىمەت باسشىسى پرەزيدەنتتىڭ ءاربىر تاپسىرماسىنىڭ ورىندالۋىنا قاتاڭ باقىلاۋ ورناتىلىپ, ناقتى ورىندالۋ مەرزىمى مەن جاۋاپتى ادام بەلگىلەنۋى ءتيىس ەكەنىن اتاپ ءوتتى.
«بىزدە مەملەكەت باسشىسىنىڭ جولداۋىن تولىق ءارى ۋاقىتىلى ىسكە اسىرۋ ءۇشىن بارلىق قاجەتتى رەسۋرستار مەن قۇرالدار بار», — دەدى ا. مامين.
