تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى كەلەس اپب پوليتسەيلەرىمەن بىرلەسىپ, ە سىرتكى زاتتارىن زاڭسىز تاسىمالداۋ مەن وتكىزۋ جايتىنىڭ جولىن كەستى.
جەدەل-ىزدەستىرۋ ءىس-شاراسى بارىسىندا پوليتسيا قىزمەتكەرلەرى "كوكناردى" وتكىزبەك بولعان ەكى كۇدىكتىنى ۇستادى. ولار كەلەس اۋدانىنىڭ تۇرعىندارى بولىپ شىقتى. جەدەل ۋاكىلدەر كۇدىكتىلەردەن 1 كگ-عا جۋىق وسىمدىك تەكتەس ەسىرتكى زاتتارىن تاركىلەدى.
قازىرگى ۋاقىتتا اتالعان جايت بويىنشا قر قك-ءنىڭ 297-بابى 1-بولىگى (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, وڭدەۋ, ساتىپ الۋ, ساقتاۋ, تاسىمالداۋ, جونەلتۋ نەمەسە وتكىزۋ) بويىنشا تىركەلىپ, سوتقا دەيىنگى تەرگەۋ امالدارى جۇرگىزىلۋدە. كۇدىكتىلەردىڭ ءبىرى قاماۋعا الىندى, ەكىنشىسى قولحاتتا. پوليتسيا قىزمەتكەرلەرى ءىستىڭ تولىق ءمان-جايىن, ونىڭ ىشىندە ەسىرتكى جەتكىزۋ ارنالارىن انىقتاۋدا.
تۇركىستان وبلىسىنىڭ پوليتسەيلەرى ەسىرتكىنى زاڭسىز ساقتاعانى, تاسىمالداعانى جانە ساتقانى ءۇشىن وسى باپتىڭ سانكتسيالارى ون جىلعا دەيىن مۇلكىن تاركىلەپ, باس بوستاندىعىنان ايىرۋدى كوزدەيتىنىن ەسكە سالادى. ءوز كەزەگىندە ءتارتىپ ساقشىلارى ازاماتتاردى زياندى ادەتتەردەن باس تارتۋعا جانە سالاۋاتتى ءومىر سالتىن ۇستانۋعا شاقىرادى.
