"ەكونوميكا حالىقتىڭ ءال-اۋقاتىن جاقسارتۋعا جۇمىس ىستەۋى ءتيىس. ۇلتتىق تابىستىڭ وسۋىنەن الەۋمەتتىك ءليفتىنى ءتيىمدى قولدانىپ, پايدانى تەڭ بولۋگە قوعامدىق ۇسىنىستىڭ ءوسۋى وڭ شەشىمىن تابۋى ءتيىس. سوندىقتان ەلىمىزدىڭ جاڭا ەكونوميكالىق باعىتى باستى 7 پرينتسيپكە نەگىزدەلۋى ءتيىس", دەدى پرەزيدەنت.
مەملەكەت باسشىسىنىڭ ايتۋىنشا, يگىلىك پەن مىندەتتى تەڭ ءبولۋ, جەكە كاسىپكەرلىكتىڭ جەتەكشى ءرولى, جاڭا كاسىپكەرلەرگە ارنالعان نارىقتى قالىپتاستىرىپ, ءادىل باسەكەلەستىككە جاعداي جاساۋ – نەگىزگى باعىتتار قاتارىنا كىرەدى.
سونداي-اق ءوندىرىستى ارتتىرىپ, كۇردەلى ءارى تەحنولوگيالىق ەكونوميكاعا يەك ارتۋ; ادام كاپيتالىن دامىتىپ, ينۆەستيتسيا مەن ءبىلىمنىڭ جاڭا ءتۇرىن قالىپتاستىرۋ; ەكونوميكانى جاسىلداندىرىپ, قورشاعان ورتانى قورعاۋ; مەملەكەتتىڭ نەگىزدەلگەن شەشىمدەر قابىلداپ, قوعام الدىندا سول ءۇشىن جاۋاپ بەرۋىن قامتاماسىز ەتۋ – باسىمدىقتار قاتارىنا كىرەدى.
