قازاقستان • 01 قىركۇيەك، 2020

شەكاراداعى كەپتەلىستى شەشۋ جولدارىن ۇسىندى

9 رەت كورسەتىلدى

«قتج» ۇك» اق ەنشىلەس ۇيىمى «KTZ Express» اق «نۇر جولى» وتكىزۋ پۋنكتىندە اۆتوفۋرالاردىڭ توقتاپ تۇرۋ ماسەلەسىن شەشۋدە جۇك جونەلتۋشىلەرگە كومەك كورسەتۋدە.

پاندەمياعا بايلانىستى شەكتەۋ شارالارىنا وراي اتالعان بەكەت ورنالاسقان قازاقستان-قىتاي شەكاراسىندا ۇزىندىعى 50 شاقى­رىمعا سوزىلعان، سانى 2500-دەن اساتىن اۆتوكولىك قۇرالدارى­نىڭ ۇلكەن كەزەگى پايدا بولدى. فۋرالار 2،5 ايدان استام ۋاقىت بويى تۇر.

KTZ Express ۇلتتىق مۋلتي­مودالدىق لوگيستيكالىق وپەراتورى جينالىپ قالعان جۇك فۋرالارىن قىتايدان قازاقستانعا «KTZE – Khorgos Gateway» قۇر­عاق پورتى اۋماعىنا تەمىر جول­مەن جەتكىزۋدىڭ ءتيىمدى شە­شى­مىن ۇسى­نىپ وتىر. KTZ Express پاي­دا­لاناتىن قۇرعاق پورت اۋما­عىندا قۇرىلعان زاماناۋي كولىك-لوگيستيكالىق ينفرا­قۇرىلىم جۇك اۆتوموبيلدەرىن كونترەيلەرگە ارتۋعا جانە قورعاس ستانساسىنا جونەلتۋگە شاماسى بار ۇزدىكسىز كونترەيلەرلىك تاسىمالداردى جۇزەگە اسىرۋعا مۇمكىندىك بەرەدى.

قۇرعاق پورت تەرمينالىنان تيەلگەن قۇرامداردى قابىلداپ الۋ ءۇشىن قورعاس ستانساسىندا (قحر) اۆتوموبيلدەردى جۇكتەۋ جۇرگىزىلەدى. ودان ءارى جۇكتەردى جەڭىلدەتىلگەن تارتىپتە كەدەندىك راسىمدەۋدەن وتكىزگەننەن كەيىن، قازاقستان قالالارى بويىنشا جونەلتۋ ورىن الادى.

كونترەيلەر – جۇكتەردىڭ بى­­رىك­تىرىلگەن تاسىمالى – ءاۆتو­موبيلدى-سۋلىق، ءاۆتوموبيلدى-تە­­­مىر­­جولدىق نەمەسە ارالاس ءاۆ­­تو­­­مو­بيلدى-تەمىرجولدىق-سۋ­لىق­­­­قا ارنالعان اۆتوموبيلدىك دوڭ­­گە­لەك­تەرمەن جابدىقتالعان كون­­تەي­نەر ەكەنىن قاپەرگە سالامىز. بۇدان باسقا، قۇرعاق پورت اۋما­عىندا كۇن سايىن تار تابانمەن ءارى قاراي اۆتوفۋرالارعا ارتىپ جانە جۇك الۋشىلارعا دەيىن جەتكىزىلەتىن جابىق ۆاگونداردى قابىلداۋ جۇرگىزىلەدى. قۇرعاق پورت تەرمينالىنىڭ تەحنيكالىق قۋاتى اي سايىن 1200 جابىق ۆاگون وڭدەۋگە مۇمكىندىك بەرەدى، سون­داي-اق ايىنا 2400 اۆتوموبيلگە دەيىن قايتا تيەۋدى جۇرگىزە الادى. سونىمەن 2020 جىلدىڭ تەك شىلدەسىندە 1434 مم تابان بويىنشا 325 جابىق ۆاگون قايتا تيەلدى.

KTZ Express قازاقستاننىڭ ءىرى قالالارى مەن ءارتۇرلى ەلدەرىن­دەگى وكىلدىكتەرىندە كەڭ اگەنتتىك جەلىلەرى جانە دە كومپانيانىڭ قۇرال-جابدىقتارى مەن سەرۆيس­تەرى قىتايدىڭ بارلىق ءىرى پرو­ۆين­تسيالارىندا بار. KTZ Express كليەنتتەرى ساپالى سەرۆيس پەن تاسىمالعا نەعۇرلىم وڭتاي­لى ستاۆكالاردى ۇسىناتىن، سەنىم­دىلىك، جۇكتەردى جەتكىزۋدىڭ جوعارى جىلدامدىعىن باعالايدى.

 

 

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار