ەلەكتروندىق ونەركاسىپ پەن باعدارلامالىق قامتىلىمنىڭ سەنىم بىلدىرىلگەن ءونىمىنىڭ تىزىلىمىنە بۇگىندە 39 وتاندىق ءونىم ەنگىزىلگەن بولسا, 12 ءوندىرۋشىنىڭ 18 ءونىمىن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى اتالعان تىزىلىمگە وسى جىلدىڭ باسىنان بەرى ەنگىزگەن.
ء«تىزىلىم قازاقستاننىڭ اكت نارىعىنداعى وتاندىق ءىت-ونىمدەردىڭ ۇلەسىن ارتتىرۋدى جانە اق تالاپتارىنا سايكەس كەلەتىن باعدارلامالاردى قولدانۋ ارقىلى مەملەكەتتىك ورگانداردىڭ اقپاراتتىق قاۋىپسىزدىگىن قامتاماسىز ەتۋدى كوزدەيدى», دەيدى تسيفرلىق دامۋ, يننوۆاتسيالار جانە اەروعارىش ونەركاسىبى ءبىرىنشى ۆيتسە-ءمينيسترى, ءمينيستردىڭ مىندەتىن اتقارۋشى باعدات مۋسين.
ءوز ءونىمىن اتالعان تىزىلىمگە ەنگىزگەن وندىرۋشىلەر مەملەكەتتىك ساتىپ الۋعا بىلىكتىلىكتى الدىن الا ىرىكتەۋ تاسىلىمەن قاتىسۋ قۇقىعىنا يە بولادى. ءتىزىلىم مەملەكەتتىك ورگاندار مەن بيۋدجەتتىك ۇيىمداردىڭ اقپاراتتىق قاۋىپسىزدىگىن قامتاماسىز ەتۋدى كوزدەيدى. سونداي-اق بۇل باستامانى كۆازيمەملەكەتتىك سەكتوردا قولدانۋدى پىسىقتاۋ جوسپاردا بار.
2019 جىلى مەملەكەتتىك ساتىپ الۋ تۋرالى زاڭناماعا ەنگىزىلگەن تۇزەتۋلەرگە سايكەس 2020 جىلعى 1 قاڭتاردان باستاپ تىزىلىمگە ەنگىزىلگەن ەلەكتروندىق ونەركاسىپ جانە باعدارلامالىق قامتاماسىز ەتۋ ونىمدەرى باسىمدىققا يە تارتىپپەن ساتىپ الىناتىنىن ايتىپ وتكەن ءجون.
كومپانيالارعا ءوز ونىمدەرىن تىزىلىمگە ەنگىزۋ ءۇشىن ەڭ الدىمەن مينيسترلىككە «ەلەكتروندىق ونەركاسىپ پەن باعدارلامالىق قامتىلىمنىڭ سەنىم بىلدىرىلگەن ءونىمىنىڭ تىزىلىمىنە» ەنگىزۋ تۋرالى ءوتىنىم بەرۋى جانە 2018 جىلعى 28 ناۋرىزدا بەكىتىلگەن ءتىزىلىمدى قالىپتاستىرۋ جانە جۇرگىزۋ قاعيدالارىنىڭ تالاپتارىنا سايكەس ءتيىستى قۇجاتتاردى قوسا جولداۋى كەرەك.
