وبلىس اكىمى مەردىگەردەن جۇمىس بارىسىندا مۇگەدەكتىگى بار ادامداردىڭ, قارتتاردىڭ جانە بالالار اربالارىنىڭ قوزعالىسى ءۇشىن قولايلى جاعدايلار جاسالۋى كەرەكتىگىن اتاپ ءوتتى.
دەگەنمەن, تاراز قالاسىنداعى ەكى ءۇيدىڭ اۋلالارىنا اباتتاندىرۋ جۇمىستارىن جۇرگىزىپ وتىرعان "نۇرينۆەستحولدينگ" جاۋاپكەرشىلىگى شەكتەۋلى سەرىكتەستىگىنىڭ جۇمىسىنا تۇرعىنداردىڭ كوڭىلى تولماي وتىر. قالا تۇرعىندارى جاڭا ورىندىقتاردىڭ قازىردىڭ وزىندە سىنىپ جاتقانىن, ەسكى اتكەنشەكتەر مەن سىرعاناقتاردىڭ بوياۋسىز قالعانىن, قۇرىلىس قوقىستارىنىڭ شاشىلىپ جاتقانىن ايتىپ, شاعىمدانۋدا. ال, بەردىبەك ساپارباەۆ قالا تۇرعىندارىن بارلىق ولقىلىقتاردىڭ جويىلىپ, مەردىگەر كومپانيانىڭ جاۋاپكەرشىلىككە تارتىلاتىنىن جەتكىزدى. بۇدان بولەك, "ەنەردجي-تاراز" كومپانياسى "استانا" شاعىناۋدانىندا تاعى بەس اۋلانى اباتتاندىرۋ جۇمىستارىن جۇرگىزگەن. بۇل جۇمىستارعا بەردىبەك ساپارباەۆ وڭ باعاسىن بەرىپ, تۇرعىندار دا قۇرىلىسشىلارعا العىس ايتتى.
وسى ۋاقىتقا دەيىن "استانا" شاعىناۋدانىنىڭ تۇرعىندارى وبلىس باسشىلىعىنان فۋتبول الاڭىن سالىپ بەرۋدى, كوشەلەردى جارىقتاندىرۋدى, شاتىرلى قوقىس كونتەينەرلەرىن ورناتۋدى جانە اۆتوتۇراقتى كەڭەيتۋدى سۇراعان بولاتىن. تۇرعىنداردىڭ بارلىق وتىنىشتەرى ەسكەرىلگەن. بۇعان قوسا, اتالعان كومپانيا ءوز قاراجاتى ەسەبىنەن تاعى ءبىر كورشى اۋلانى اباتتاندىرۋ بويىنشا جۇمىستار جۇرگىزىپ, بالالار مەن سپورت الاڭقايلارىن سالىپ بەرگەن.
بۇگىندە تاراز قالاسىندا "جۇمىسپەن قامتۋدىڭ جول كارتاسى-2020" باعدارلاماسى اياسىندا بارلىعى 163 اۋلادا اباتتاندىرۋ جۇمىستارى جۇرگىزىلۋدە.
جامبىل وبلىسى
