ال بيىل اكىم گرانتىن يەلەنۋگە 132 تالاپكەردەن ءوتىنىش ءتۇستى. وبلىس اكىمىنىڭ ورىنباسارى باقىتگۇل حامەنوۆا جەتەكشىلىك ەتكەن ارنايى كوميسسيا 78 تۇلەككە گرانت بەرۋگە شەشىم قابىلدادى. ەندى اكىم گرانتىنا يە بولعان تۇلەكتەر وبلىستىق بيۋدجەت ەسەبىنەن ءبىلىم, دەنساۋلىق ساقتاۋ, اۋىل شارۋاشىلىعى جانە باسقا دا ماڭىزدى سالالار بويىنشا تەگىن وقيدى.
– اكىم گرانتىن يەلەنگەندەردىڭ دەنى – بولاشاق مۇعالىمدەر مەن دارىگەرلەر. ونىڭ ىشىندە 27 تۇلەك م.وسپانوۆ اتىنداعى باتىس قازاقستان مەملەكەتتىك مەديتسينالىق ۋنيۆەرسيتەتىندە, ۇشەۋى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە تەگىن ءبىلىم الادى. تورتەۋى م.وتەمىسوۆ اتىنداعى باتىس قازاقستان ۋنيۆەرسيتەتىندە, التاۋى «نۇر-مۇباراك» ەگيپەت يسلام مادەنيەتى ۋنيۆەرسيتەتىندە وقيدى. ءبىر تۇلەك جاڭگىرحان اتىنداعى باتىس قازاقسان اگرارلىق-تەحنيكالىق ۋنيۆەرسيتەتىنە, تاعى ءبىرى ت.جۇرگەنوۆ اتىنداعى قازاق ۇلتتىق ونەر اكادەمياسىنا, 36 تالاپكەر ح.دوسمۇحامەدوۆ اتىراۋ مەملەكەتتىك ۋنيۆەرسيتەتىنە وقۋعا ءتۇستى, – دەدى وبلىس اكىمىنىڭ ورىنباسارى باقىتگۇل حامەنوۆا.
وبلىس اكىمىنىڭ گرانتى تاعى 11 تۇلەككە بەرىلدى. ونىڭ 10-ى دەنە شىنىقتىرۋ مۇعالىمى, 1-ەۋى كىتاپ ءىسى ماماندىعىمەن وقيدى. وسىلايشا, بيىل وبلىس اكىمىنىڭ ارنايى گرانتىمەن جوعارى ءبىلىمدى تەگىن الاتىن تۇلەكتەر سانى 89-عا جەتتى.
اتىراۋ وبلىسى
