جوبانىڭ جالپى ينۆەستيتسياسى – 18,4 ملرد تەڭگە. قوماقتى قارجىنىڭ ماقساتتى جۇمسالۋىن سىبايلاس جەمقورلىققا قارسى ءىس-قيمىل دەپارتامەنتى قامتاماسىز ەتەتىن بولادى. جەمقورلىققا قارسى قىزمەت پەن باس مەردىگەر "جەل ەلەكتريك" سەرىكتەستىگى "Protecting Business and Investments" جوباسى اياسىندا وسىنداي كەلىسىمگە كەلىپ وتىر.
– نىساندى سالۋ كەزىندە سىبايلاس جەمقورلىق تاۋەكەلدەرىن ازايتۋ ماقساتىندا وسىنداي شەشىم قابىلداندى. ءبىزدىڭ باستى مىندەتىمىز – بيزنەسكە قولايلى جاعداي جاساۋ جانە قانداي دا ءبىر سىبايلاس جەمقورلىق تاۋەكەلدەرىن تۇبىرىمەن جويۋ. "Protecting Business and Investments" جوباسىنىڭ باستى ماقساتى دا – وسى. جوبا اياسىندا بيزنەس ورتادا سىبايلاس جەمقورلىقتىڭ الدىن الۋ جانە مەملەكەتتىك ورگاندارمەن ءوزارا ءىس-قيمىل بارىسىندا ينۆەستورلار مەن كاسىپكەرلەرگە كومەك كورسەتۋ قاراستىرىلعان, – دەدى سىبايلاس جەمقورلىققا قارسى ءىس-قيمىل دەپارتامەنتىنىڭ باسشىسى قۋانىش بەكباسوۆ.
اۋقىمدى جوبا "جاڭارتىلاتىن ەنەرگيا كوزدەرىن دامىتۋ" باعدارلاماسى ارقىلى جۇزەگە اسىرىلادى. جاڭا جەل ەلەكتر ستانتسياسى ىسكە قوسىلسا, اۋاعا گاز بۋىنىڭ ءبولىنۋى جىلىنا بىرنەشە مىڭ تونناعا دەيىن ازايادى.
قوستاناي وبلىسىندا Protecting Business and Investments جوبالىق كەڭسەسى اشىلعاننان بەرى سىبايلاس جەمقورلىقتىڭ الدىن الۋ ماقساتىندا 44 كەلىسىم جاسالعان.
