اقپارات جانە قوعامدىق دامۋ ءمينيسترى ايدا بالاەۆا قازان قالاسىنا جۇمىس ساپارى اياسىندا تاتارستان رەسپۋبليكاسىنىڭ پرەزيدەنتى رۋستام ميننيحانوۆپەن كەزدەستى.
ر.ميننيحانوۆ قازاقستان دەلەگاتسياسىن: "قوش كەلدىڭىز! يسامەسەز؟", دەپ قارسى الدى.
ايدا بالاەۆا تاتار اسسر-ءدىڭ 100 جىلدىعىنا ارنالعان سالتاناتتى ءىس-شاراعا قاتىسۋعا شاقىرعانى ءۇشىن رەسپۋبليكا باسشىلىعىنا العىسىن ءبىلدىرىپ, قازاقستان مەن تاتارستان اراسىنداعى قارىم-قاتىناستاردىڭ شىنايى دوستىق سيپاتىن ەرەكشە اتاپ ءوتتى. سونداي-اق, بۇگىن تاتارستان رەسپۋبليكاسىنا جۇمىس ساپارى اياسىندا اقپارات ءمينيسترى تاتارستان رەسپۋبليكاسىنىڭ مەملەكەتتىك كەڭەسشىسى مينتيمەر شايميەۆپەن كەزدەسۋ وتكىزدى. بۇدان باسقا, ساپار بارىسىندا اقدم باسشىسى" تاتمەديا" رەسپۋبليكالىق ءباسپاسوز جانە بۇقارالىق كوممۋنيكاتسيالار اگەنتتىگىنىڭ باسشىلىعىمەن كەزدەسەدى. قازاقستان دەلەگاتسياسى قازانداعى تاريحي-مادەني ماڭىزى بار بىرقاتار نىسانداردى ارالاپ, تاتار اسسر-ءنىڭ 100 جىلدىعىن مەرەكەلەۋگە ارنالعان ءىس-شارالارعا قاتىسادى.
