وبلىس اكىمى ۇشجاقتى مەموراندۋمنىڭ ينۆەستيتسيا تارتۋ جانە جۇمىس ورىندارىن قۇرۋداعى ماڭىزىن اتاپ ءوتتى.
– قازىرگىدەي مۇناي ءوندىرىسى تومەندەگەن ۋاقىتتا ءوڭىر ەكونوميكاسىن ءارتاراپتاندىرىپ, وڭدەۋ سالاسى مەن مەتاللۋرگيانى قولعا الۋ, ايماقتى دامىتۋدىڭ باستى جولى بولىپ تابىلادى. وسى مەموراندۋمعا سايكەس "تاۋ-كەن سامۇرىق" اكتسيونەرلىك قوعامى شالكيا كەنىشىندە بىرنەشە الەۋمەتتىك نىساندار قۇرىلىسىن جۇرگىزۋدى جوسپارلاپ وتىرعانىن ەرەكشە اتاپ وتكىم كەلەدى. ماسەلەن, شالقيا كەنتىنە دەيىن ۇزىندىعى 6 شاقىرىم جول, كەنشىلەر ساياباعى مەن اللەيا جانە كونتەينەرلىك قوناق ءۇي سالۋ ارقىلى قۇتتىقوجا بۇلاعىنىڭ اۋماعىن اباتتاندىرۋ ويلاستىرىلىپ وتىر, دەدى وبلىس اكىمى.
ايتا كەتۋ كەرەك, "شالقيا" كەنىشىندە تاۋ-كەن بايىتۋ فابريكاسىن سالۋ ارقىلى مەتاللۋرگيا سالاسىن بىتىرگەن جاس مامانداردى جۇمىسقا تارتۋ كوزدەلۋدە. بيىل كورشى مەملەكەتتىڭ جەتەكشى ۋنيۆەرسيتەتتەرىن بىتىرگەن 111 تۇلەكتىڭ 23-ءى مەتاللۋرگ, ال 21-ءى ماشينيست. مۇنان بولەك, بيىلعى جىلى تاۋ-كەن ءىسى جانە مەتاللۋرگيا سالاسىندا تەحنيكالىق جانە كاسىپتىك ءبىلىم وشاقتارىن بىتىرگەن 144 تۇلەك بار.
– وسى ۋاقىتقا دەيىن وزىق تەحنولوگيالىق ءبىلىمدى يگەرىپ كەلگەن ءبىزدىڭ تۇلەكتەرىمىز وڭىرىمىزدەگى – تسەمەنت, كۇكىرت قىشقىلى زاۋىتتارى مەن "فيرما بالاۋسا", "رۋ-6" جانە "ەنەرگوسەرۆيس" سەكىلدى ءىرى كاسىپورىندارعا جۇمىسقا ورنالاستى. تاجىريبەمىزدى ءارى قاراي جالعاستىرۋ ماقساتىندا سىزدەرگە 46 تۇلەكتىڭ ءتىزىمى جولداندى. مەموراندۋمعا سايكەس وبلىستاعى كاسىبي بىلىكتى مەتاللۋرگتەردىڭ العاشقى تولقىنىن تاربيەلەپ, قالىپتاستىرامىز دەپ سەنىم بىلدىرەمىن,–دەدى وبلىس اكىمى گۇلشارا ابدىقالىقوۆا.
مەموراندۋم اياسىندا "تاۋ-كەن سامۇرىق" اكتسيونەرلىك قوعامى شالقيا كەنىشىندە بىرنەشە الەۋمەتتىك نىساندار قۇرىلىسىن جۇرگىزۋ جوسپارلانۋدا.
