ۇلكەن الماتى كولىنىڭ ماڭىندا ءتورت ادام جوعالىپ كەتكەن. تۋريستەر جەدەل-قۇتقارۋ جاساعىنا حابارلاسىپ كومەك سۇرايدى. ولار تەمىرتاۋ قالاسى مەن قاراعاندى قالاسىنىڭ تۇرعىندارى بولىپ شىقتى. تۋريستەردىڭ ىشىندە ءبىر جىگىت پەن ءۇش قىز بالاسى بولعان. اۋا رايىنىڭ كۇرت بۇزىلۋىنا قاراماستان, تاۋ بەتكەيىندە جۇرە بەرۋدى جالعاستىرعان.
جول ورتاسىندا قاتتى نوسەر جاۋىن باستالىپ, اۋا تەمپەراتۋراسى دا تۇسە باستادى. قىزداردىڭ ءبىرى تاسقا تايىپ قۇلاپ, تىزەسىن جاراقتاپ الادى.
وقيعا ورنىنا دەرەۋ جەدەل-قۇتقارۋ جاساعى كەلىپ زارداپ شەككەندەرگە كومەكتەستى. ولار كەلسە, تۋريستەر تەڭىز دەڭگەيىنەن شامامەن 1600 مەتر بيىكتىككە الىستاپ كەتكەن. قۇتقارۋشىلار تۋريستەردى تومەنگە تۇسىرگەننەن كەيىن قاۋىپسىز جەرگە جەتكىزدى. الايدا, ولار دارىگەردەردىڭ كومەگىنەن باس تارتتى.
قۇتقارۋشىلار جاساعى تاۋعا جينالار الدىندا ادامدارعا قاۋىپسىزدىك قاعيدالارىن ساقتاۋ قاجەت ەكەنىن, سونداي-اق وزىڭىزبەن بىرگە قوسىمشا جىلى كيىم الىپ الۋدى جانە اۋا-رايى بولجامىمەن تانىسۋدى ەسكەرتەدى.
