ايماقتار • 28 تامىز، 2020

الماتى وبلىسىندا ىندەتتىڭ ەكىنشى تولقىنىنا 6،6 ملرد تەڭگە ءبولىندى

26 رەت كورسەتىلدى

بۇگىن الماتى وبلىسىنىڭ اكىمدىگىندە كورونوۆيرۋستىڭ ەكىنشى تولقىنىنا دايىندىق ماسەلەرى پىسىقتالدى. بۇل تۋرالى الماتى وبلىسىنىڭ ءباسپاسوز قىزمەتى حابارلايدى، - دەپ جازادى Egemen.kz

جيىندا وبلىس اكىمىنىڭ ورىنباسارى باتىرجان بايجۇمانوۆ وڭىردەگى اۋرۋحانالاردىڭ COVID-19 ينفەكتسياسىن ەمدەۋگە قاجەتتى قۇرال-جابدىقتارمەن قامتىلۋى، كادرلىق جاساقتالۋى، ءدارى-دارمەك قورىن قالىپتاستىرۋ، پتسر-زەرتحانالاردىڭ قىزمەتى جونىندە باياندادى.

ونىڭ ايتۋىنشا، كۆي مەن پنەۆمونيا كورسەتكىشى بۇگىنگى كۇنى ەداۋىر تومەندەگەن. قازىرگى كەزدە وبلىس كولەمىندە 42 ادام كۆي، ال 401 ادام پنەۆمونيادان ەم الۋدا. بۇگىنگى كۇنى ىندەتپەن كۇرەس شارالارى ءۇشىن مەديتسينالىق ۇيىمداردىڭ ماتەريالدىق-تەحنيكالىق بازاسىن نىعايتۋعا، ەكىنشى تولقىنىنا دايىندىق شارالارى ءۇشىن وبلىستىق بيۋدجەتتەن 6،6 ملرد. تەڭگە بولىنگەن. دايىندىق شارالارىنىڭ ىشىندە كومپيۋتەرلىك توموگراف، پۋلسوكسيمەتر، ۆيبرواكۋستيكالىق اپپارات، رەنتگەن اپپاراتى، يۆل، كونتسەنتراتور سياقتى قۇرال-جابدىقتار ساتىپ الۋ جوسپاردا بار.  

سونىمەن قاتار كۆي-ءدى ەمدەۋگە تارتىلعان مەديتسينالىق ۇيىمداردىڭ جانىنان كيسلورودتىق ستانسالار قويىلادى. جانە 140 جەدەل جاردەم اۆتوكولىكتەرىن ساتىپ الۋ جوسپارلانىپ وتىر. قازىرگى كەزدە جۇمىس ىستەپ تۇرعان 8 پتسر زەرتحاناسىندا كۇنىنە 1500 زەرتتەۋ جۇرگىزىلسە، الداعى ۋاقىتتا بۇل كورسەتكىشتى 3500-گە جەتكىزۋگە مۇمكىندىك بار. سول سياقتى ب. بايجۇمانوۆ وبلىستا 1 ايعا جەتەتىن ءدارى-دارمەك قورى بار ەكەنىن ايتتى. وعان قوسا تاعى ەكى ايلىق قور بولاتىن ءدارى-دارمەككە تاپسىرىس بەرىلگەن.

وبلىس اكىمىنىڭ ورىنباسارى تالدىقورعاندا جاڭادان سالىنىپ جاتقان ينفەكتسيالىق اۋرۋحانانىڭ جابدىقتالۋى، كادرلىق قامتىلۋى جايلى دا ايتىپ ءوتتى. اتالعان اۋرۋحانادا 452  شتاتتىق بىرلىك بەلگىلەنسە، سونىڭ ءبىراز بولىگى وبلىستاعى مەديتسينالىق ۇيىمداردان، 143 مەدپەرسونال جۇمىسپەن قامتۋ ورتالىقتارى ارقىلى تارتىلاتىن بولادى. سونىمەن بىرگە ەلىمىزدەگى مەديتسينالىق جوعارعى وقۋ ورىندارىمەن دە كەلىسىمشارتتار جاسالىپ، جاس ماماندار تارتۋ كوزدەلىپ وتىر.

وبلىس اكىمى اماندىق باتالوۆ تالدىقورعان كوپ سالالى اۋرۋحاناسى مەن الماتىداعى وبلىستىق كوپ سالالى كلينيكالىق اۋرۋحانانىڭ كۆي ەمدەۋدە وڭىردەگى نەگىزگى ەكى ورتالىق بولاتىنىن باسا ايتتى. سوندىقتان وسى ەكى اۋرۋحانادا ىندەتتى ەمدەۋگە قاجەتتى اپپاراتتاردىڭ سانىن، قاجەتتىلىگىن تۇگەندەۋدى، جانە سوعان سايكەس ساتىپ الىناتىن اپپاراتتاردىڭ تۇرلەرى مەن كولەمىن انىقتاۋدى تاپسىردى.  

– وڭىردەگى ەكى اۋرۋحانا كۆي-ءدىڭ ەكىنشى تولقىنىنا تولىق دايىن بولۋى ءۇشىن بارلىق قاجەتتى قۇرال-جابدىقتارى تۇگەل بولۋى ءتيىس. كوروناۆيرۋس ينفەكتسياسى اسىرەسە، سوزىلمالى اۋرۋلارى بار سىرقاتتارعا اۋىر تيەتىندىكتەن بىزدە ينفەكتسيونيستەر عانا ەمەس، باسقا دا مامان دارىگەرلەر ەم شارالارىنا ءازىر تۇرۋى ءتيىس. اسىرەسە، اۋىر ناۋقاستاردى ەمدەپ، ءولىم-ءجىتىمدى بولدىرماۋدا مۇنىڭ ماڭىزى زور. سوندىقتان قۇرال-جابدىقتار بويىنشا جاساعان تالداۋ-ەسەپتەرىڭدى قايتا قاراپ، تولىقتىرىپ، ناقتىلاپ كەلۋدى تاپسىرامىن. جاڭا ينفەكتسيالىق اۋرۋحانانىڭ قۇرىلىسى، وعان قاجەتتى قارجىسى، جابدىقتالۋ ماسەلەسى تولىعىمەن شەشىلگەن. سوندىقتان ول مەكەمەدە ءبىز كادرلىق قۇرام جاساقتاۋعا بىردەن كىرىسە بەرۋىمىز كەرەك. ينفەكتسيامەن كۇرەستە نەگىزگى كۇش وسى اۋرۋحاناعا تۇسەدى. سوندىقتان وندا مىقتى كاسىبي ماماندار توپتاستىرىلۋى ءتيىس. سىرتتان تارتىلعان مامانداردىڭ الەۋمەتتىك جاعدايىن دا نازاردان تىس قالدىرماۋىمىز كەرەك، – دەدى ا. باتالوۆ.

سونىمەن قاتار وبلىس باسشىسى ينفەكتسيالىق اۋرۋحانانىڭ ىشكى بەزەندىرىلۋى مەن سىرتقى اۋماعىن اباتتاندىرۋ مەن كوركەيتۋ جۇمىستارىنا كىرىسۋدى تاپسىردى.

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار