وتىرىستى اشقان ورتالىق سايلاۋ كوميسسياسىنىڭ توراعاسى بەرىك يماشەۆ پارلامەنت سەناتىنىڭ دەپۋتاتتارىن سايلاۋ جونىندەگى ناۋقاننىڭ سوڭعى وتىرىسى كونستيتۋتسيانىڭ 25 جىلدىعى – تاۋەلسىز قازاقستاننىڭ نەگىزگى زاڭى قارساڭىندا ءوتىپ جاتقانىن اتاپ ءوتتى.
ورتسايلاۋكوم مۇشەسى سەرىك سىدىقوۆ «2020 جىلعى 12 تامىزداعى سايلاۋدا سايلانعان قر پارلامەنتى سەناتىنىڭ دەپۋتاتتارىن تىركەۋ تۋرالى» بايانداما جاسادى.
ول "قازاقستان رەسپۋبليكاسىنداعى سايلاۋ تۋرالى" كونستيتۋتسيالىق زاڭعا سايكەس, ورتالىق سايلاۋ كوميسسياسى كونستيتۋتسيالىق زاڭدا بەلگىلەنگەن تارتىپپەن پارلامەنتتىڭ سايلانعان دەپۋتاتتارىن تىركەۋدى جۇرگىزەتىنىن حابارلادى.
وسى ورايدا ورتسايلاۋكوم ءاربىر دەپۋتاتقا بەلگىلەنگەن ۇلگىدەگى كۋالىك پەن ومىراۋعا تاعاتىن بەلگىنى تاپسىرادى. وسىعان بايلانىستى "2020 جىلعى 12 تامىزداعى سايلاۋدا سايلانعان قر پارلامەنتى سەناتىنىڭ دەپۋتاتتارىن تىركەۋ تۋرالى" قاۋلى قابىلداندى.
قاۋلى قابىلدانعاننان كەيىن ورتالىق سايلاۋ كوميسسياسىنىڭ توراعاسى بەرىك يماشەۆ تىركەلگەن دەپۋتاتتارعا كۋالىكتەر مەن توسبەلگىلەردى تابىس ەتتى.
"قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى" قازاقستان رەسپۋبليكاسى كونستيتۋتسيالىق زاڭىنىڭ 24-بابىنىڭ 1-تارماعىنا سايكەس, پارلامەنت دەپۋتاتىنىڭ وكىلەتتىگى ونى ورتالىق سايلاۋ كوميسسياسى پارلامەنت دەپۋتاتى رەتىندە تىركەگەن كەزدەن باستالادى. وتىرىسقا پارلامەنت سەناتىنىڭ سايلانعان دەپۋتاتتارى, سەناتورلار كەڭەسىنىڭ مۇشەسى قۋانىش ايتاحانوۆ, سونداي-اق بەينە كونفەرەنتسيا بايلانىس رەجيمىندە وبلىستاردىڭ, نۇر-سۇلتان, الماتى جانە شىمكەنت قالالارىنىڭ اۋماقتىق سايلاۋ كوميسسيالارى, ونلاين رەجيمدە بۇقارالىق اقپارات قۇرالدارىنىڭ وكىلدەرى قاتىستى. بۇدان بۇرىن حابارلانعانداي, قر ورتالىق سايلاۋ كوميسسياسىنىڭ وتىرىسىندا قر پارلامەنتى سەناتىنىڭ دەپۋتاتتارىن سايلاۋدىڭ قورىتىندىسى جاريالاندى.
