اي سايىن رەسپۋبليكا كولەمىندە ازاماتتارمەن كەرى بايلانىسقا ءتۇسۋ ماقساتىندا ۇيىمداستىرىلىپ جۇرگەن “جولدا قابىلداۋ” اكتسياسىنىڭ بۇگىن ەكىنشى كۇنى. ەكى كۇندىك قورىتىندى بويىنشا قابىلداۋعا 600-گە جۋىق تۇرعىن كەلدى. ولار ءوز ماسەلەلەرى بويىنشا پوليتسەيلەردىڭ كومەگىنە جۇگىندى. اتالمىش اكتسيانى وبلىستىڭ پوليتسەيلەرى قالا ورتالىعىندا ورنالاسقان “مامانداندىرىلعان حالىققا قىزمەت كورسەتۋ ورتالىعىندا” وتكىزدى.
سونىمەن قاتار قالا, اۋداندىق پوليتسيا باسقارما بولىمدەرىنىڭ قىزمەتكەرلەرى ءوز اۋماقتارىنداعى حقكو-نىڭ الدىندا وتىرىپ, قابىلداۋ وتكىزدى.
ازاماتتار پوليتسەيلەرگە وزدەرىنىڭ ارمەنيالىق كولىكتەرىن تىركەۋگە بايلانىستى جانە وعان قانداي قۇجاتتار قاجەت ەكەندىگىن تولىعىمەن ءبىلدى. قابىلداۋعا كەلگەندەرگە جەكە-جەكە كەڭەستەر مەن قويىلعان سۇراقتارىنا جاۋاپتار بەرىلدى. بۇدان باسقا, تەلەفون بايلانىسى ارقىلى دا, الەۋمەتتىك جەلىلەردەگى ونلاين-قارىم-قاتىناس ارقىلى دا جەدەل جەلى جۇمىسى ۇيىمداستىرىلدى.
اكتسيا اياسىندا باسقا دا نيەت بىلدىرۋشىلەر كولىك قۇرالدارىن تىركەۋ, اكىمشىلىك ايىپپۇلداردى تولەۋ ءتارتىبى, جۇرگىزۋشى كۋالىكتەرىن بەرۋ, سونداي-اق وزگە دە ماسەلەلەر بويىنشا قاجەتتى كەڭەستەردى الدى. وسىلايشا 26 تامىز كۇنى تاڭەرتەڭ ساعات 09.00-دەن باستاپ 27 تامىز كەشكى ساعات 19.00-گە دەيىن جالعاسقان اكتسياعا قاتىسۋشىلار ءوز كەزەگىندە پوليتسەيلەرگە العىستارىن جەتكىزدى. ايتا كەتەتىن جايت, تۇركىستان وبلىسىندا تىركەۋگە ساي كەلەتىن سول جاق ءرۋلدى 330 ارمەنيالىق كولىك بار بولسا, ونىڭ تىركەلمەي قالعانى – التى.
سونداي-اق قر ۇكىمەتىنىڭ قاۋلىسىنا سايكەس ارمەنيالىق كولىكتەردىڭ باسقارۋ ءرۋلى وڭ جاقتان سول جاققا اۋىستىرىلىپ قايتا جابدىقتالىپ تىركەۋدەن وتۋىنە بولادى. بۇل شارا اعىمداعى جىلدىڭ 1 قاراشاسىنا دەيىن جالعاسادى.
